سودىرلار ۇكىمەت مۇشەلەرى قاۋىپسىزدىك ماسەلەسىن تالقىلاۋ ءۇشىن كەلگەن قوناق ءۇيدى قورشاۋعا الدى دەپ حابارلايدى Qamshy.kz اقپارات اگەنتتىگى.  

كونفەرەنسيادا "اش-شاباب"-پەن كۇرەستىڭ ءبىرىڭعاي ستراتەگياسى قابىلدانۋى ءتيىس ەدى.

اسسوشيەيتەد پرەسس اگەنتتىگىنىڭ حابارلاۋىنشا، شابۋىل الدىندا قوناق ءۇيدىڭ جانىنا جۇك كولىگى توقتاعان. ونىڭ جۇرگىزۋشىسى كولىگىن جوندەپ جاتقانداي سىڭاي تانىتقان. ودان كەيىن جانكەشتى كولىكپەن قوناق ءۇي شارباعىنا سوعىلىپ، ءوزىن جارىپ جىبەرگەن. سول ۋاقىتتا سودىرلار ىشكە كىرگەن.

اگەنتتىكتىڭ مالىمەتىنشە، سودىرلاردىڭ شابۋىلى ناتيجەسىندە 23 ادام كوز جۇمدى. ايەل مەن ءۇش كىشكەنتاي بالانىڭ ءولى دەنەسى تابىلعان. ونىڭ ىشىندە سابيدە بار. پوليسەيلەر ولاردىڭ باستارىنا اتىلعانىن وقتىڭ سالدارىنان كوز جۇمعاندارىن ايتادى.  

پوليسيا 30 ادامدى قۇتقارا الدى. سودىرلارمەن اتىس جەكسەنبى تاڭ ەرتەڭگى ۋاقىتقا دەيىن سوزىلعان. 20-دان استام ونىڭ ىشىندە ۇكىمەت مۇشەلەرى قوناق ۇيدە تۇتقىندا بولعان. ولاردى سودىرلار ءولتىرىپ تاستاۋى مۇمكىن. كوز جۇمعانداردىڭ ناقتى سانى عيماراتتى تولىق تەكسەرىپ شىققاننان كەيىن حابارلانادى.