كيريلليسادان باس تارتۋ ارقىلى كەيبىر ەلدەر ەۋروپاعا جاقىنداۋدى ويلاسا، كەيبىرى ۋكراينادان ايىرىلىپ قالۋعا قورقىپ وتىر. وسى تۇرعىدا شەتەلدىك InoZpress باسىلىمىنىڭ ءتىلشىسى ءوز پايىمىن جازدى.

قازاقستان باسشىسى لاتىن ءالىپبيىنىڭ جاڭا نۇسقاسىن ەنگىزىپ جاتقاندا، ۋكرايناعا دا ءدال وسىنداي وي كەلە قالدى.

ساراپشىلاردىڭ تەڭ جارتىسى ۋكراين ءتىلىنىڭ لاتىن الىپبيىنە كوشۋىن قولداپ وتىر. ولار لاتىنعا كوشۋ پروسەسى ارقىلى ۋكراينانىڭ ەۋروپاعا ءبىر تابان جاقىندايتىنىنا نىق سەنىمدى. الەۋمەتتىك جەلىدە ۋكراينا حالقىنىڭ «لاتىنعا كوشەمىن» دەگەن جازۋلارى جيىلەپ كەتتى.

لۆوۆ سۋرەتشىسى ۆلودكو كوستىركو لاتىنعا كوشۋ جايىندا بىرنەشە پىكىر قالدىردى. اتالمىش يدەيانى قولدايتىنداردىڭ قاتارىندا جاڭا سوزدەر قاتارىن تولىقتىرعان جازۋشى اندرەي ليۋبكا دا بار.

«قازىردە ەۋروپالىق بىرىگۋ ءۇردىسى ءجۇرىپ جاتىر. بۇل لاتىن تىلىندە بولاتىن قۇجاتتاردى وڭدەۋ ماسەلەسىنە تىكەلەي بايلانىستى. ماسەلەن، مەنىڭ ەسىمىمدى پولياك تىلىندە اتاۋ قيىنعا سوعادى. بۇگىنگى لاتىنشا جازۋ ۇلگىسىنىڭ بۇرمالانعانى سونشالىق، مەنىڭ ەسىمىمدى پولياك تىلىنەن ۋكراين تىلىنەن اۋدارعان ۋاقىتتا «ءاندرىي» ەمەس، «ءاندرىى» بولىپ وقىلادى. ياعني، ءوزىمنىڭ قۇجاتتار وزىمە تيەسىلى بولماي شىعادى. لاتىن ءالىپبيىن مەڭگەرۋ مەن ونىڭ ۋكراينعا سايكەستىگى بۇل ماسەلەنى شەشەر ەدى»، - دەدى ليۋبكا لاتىندانۋ ماسەلەسىنە وراي وتكەن پىكىرتالاستا.

«كيريلليسا ءبىزدى ەۋروپادان الشاقتاتىپ، رەسەيگە جاقىنداتادى»، - دەيدى لۆوۆ ۋنيۆەرسيتەتىنىڭ پروفەسسورى ۆالەريي كورنييچۋك. الايدا، لاتىنعا كوشۋدىڭ وتە ۇزاق، ءارى كوپ قارجىنى تالاپ ەتەتىن پروسەسس ەكەنىن ايتتى.

ۋكراينادا لاتىنعا كوشۋگە قارسى تاراپ تا بار. ولاردىڭ ويىنشا، مۇنداي پروسەسس ءماتىندى تەرۋ كەزىندە قيىندىقتارعا اكەلۋى مۇمكىن. سەبەبى، جاڭا باعدارلاما ەنگىزىپ، جاڭا پەرنەتاقتالار ورناتۋعا تۋرا كەلەدى. ال جاقتاۋشىلار مۇنىڭ ەش قيىندىعى جوق ەكەنىن قايتالاۋدان جالىقپايدى. ولار لاتىن الىپبيىنە سايكەس بولاتىن باعدارلامالاردىڭ كوپ ەكەنىن ەسكەردى.

ياعني، لاتىنعا كوشۋ تۋراسىندا ۋكراينالىقتاردىڭ ويى ەكىگە ءبولىندى. «ۋكراينا حالقى اتام زاماننان كيريلليسانى قولدانىپ كەلەدى. ەڭ العاشقى كىتاپ تا كيريلليسامەن جازىلعان. بۇل ساياسات ۋكراينانىڭ ودان سايىن بولىنۋىنە اكەلىپ سوعۋى مۇمكىن»، - دەيدى بوگدان حوميچ.

ال ەكس-دەپۋتات ۆلاديمير ياۆوريۆسكيي اتالمىش پروسەسكە ءالى ەرتە ەكەنىن ايتادى: «ۋكراينا حالقى تۇگەلدەي ۋكراين تىلىندە سويلەۋى كەرەك. مىقتى مەملەكەتكە اينالۋ قاجەت. رەسەيمەن اراداعى قيىندىقتار شەشىلگەن ۋاقىتتا عانا، لاتىنعا كوشۋ ماسەلەسىن قولعا الۋعا بولادى».