بۇگىن ورتالىق كوممۋنيكاسيالار قىزمەتىندە «QAZAQSTAN» رترك» اق-نىڭ ۇيىمداستىرۋىمەن باسپا ءسوز ءماسليحاتى ءوتتى دەپ حابارلايدى Qamshy.kz اقپارات اگەنتتىگى.

شارا بارىسىندا «QAZAQSTAN» تەلەراديوكورپوراسياسى مەن «سستV-7» تەلەارناسى ءوزارا ارىپتەستىك تۋرالى مەموراندۋمعا قول قويدى. مەموراندۋم اياسىندا ەكى جاق بىرلەسىپ كوركەم تۋىندى ءتۇسىرۋ جايلى كەلىسىمگە كەلدى. بۇل قازاقستاندىق جانە قىتايلىق تەليەۆيزيانىڭ بىرلەسە وتىرىپ تۇسىرەتىن تۇڭعىش كينوجوباسى بولماق. 

شارانىڭ ماقساتى-تەليەۆيزيا سالاسىندا ەكى ەل اراسىنداعى مادەني بايلانىستى دامىتۋ.

وقيعا قازاقتىڭ مەملەكەتتىك كونسەرۆاتورياسىن بىتىرگەن،  قازاقتىڭ ونەرلى جىگىتتەرى ايدار مەن پاراساتتىڭ تاعدىرى جايلى. فيلم تۇتاستاي قازاق حالقىنىڭ تۇرمىس-سالتىنا، ادەپ-عۇرپىنا، قازاقى قارىم-قاتىناسقا ارنالعان.

فيلم رەجيسسەرى جاڭ بو-نىڭ ايتۋىنشا: «بۇل فيلم ناعىز ماحاببات پەن شىنايى دوستىق جايلى. سونداي-اق، كەيىپكەرلەر ارقىلى قازاقتىڭ ەرتەدەن كەلە جاتقان ءان-بي ونەرىن تولىعىمەن قامتيدى. قازاق حالقىنا دەگەن قۇرمەتىمدى وسى فيلم ارقىلى جەتكىزگىم كەلەدى. بۇل كينوجوبا جۇڭگو مەن قازاقستان حالىقتارىنىڭ دوستىعىن نىعايتۋمەن قاتار، كينو ونەرىنىڭ جارقىن تۋىندىسى بولاتىنىنا سەنەمىن»- دەدى.

ايتا كەتەيىك، رەجيسسەر جاڭ بو مىرزا قازاقتار قونىستانعان شىڭجاڭ ولكەسىندە دۇنيەگە كەلگەن، جاستايىنان قازاقتىڭ ان-كۇيىنە قانىعىپ وسكەن ازامات. بولاشاق كينوتۋىندى تەك شىڭجاڭ ولكەسىندە عانا ەمەس، استانا مەن الماتى قالالارىندا تۇسىرىلەتىن بولادى. اكتەرلەر مەن ءتۇسىرىلىم ورىندارىن تاڭداۋعا، وندىرىستىك جانە شىعارماشىلىق جۇمىستاردى كورپوراسيا قىزمەتكەرلەرى قىتايلىق ارىپتەستەرمەن بىرىگىپ جاسايدى. سونداي-اق، وسى اپتادا كورپوراسيا باستى رولدەردى سومدايتىن كەيىپكەرلەرگە كاستينگ جاريالادى، ازىرگە 100-دەن استام ءوتىنىش كەلىپ ءتۇستى. فيلمگە جۇمسالاتىن قاراجات قىتايلىقتاردىڭ تاراپىنان بولماق. كينوجوبا قازاقتىڭ ونەرىن شەتەلدەردە ناسيحاتتاپ قانا قويماي، ميللياردتاعان كورەرمەنگە جول تارتادى.