جاقىندا بەسىكتەن بەلى شىقپاعان بالالارعا جىنىستىق قاتىناسقا ءتۇسۋدىڭ جولدارىن بۇگە-شۇگەسىنە دەيىن ۇيرەتەتىن پاراقشالار تاراتىلعان. ءتىپتى، تەگىن مۇشەقاپتار بەرىلگەن دەپ حابارلايدى «ەۋرازيا» ءبىرىنشى ارناسى.

ەلورداداعى مەكتەپ وقۋشىلارىنا "جىنىستىق قاتىناسقا ءتۇسۋ جولدارىن" ۇيرەتەنىن پاراقشالار تاراتىلعان. جاعا ۇستاتارلىق بروشيۋرالاردىڭ ءبىرى استانالىق گۇلبانۋ ابەنوۆانىڭ قولىنا تۇسكەن. 

«مۇشە قاپتى قالاي قولدانۋ كەرەك، جىگىتتەردى قاناعاتتاندىرۋ تۋرالى ايتىپتى. قازاق قوعامىندا اسا كوپ تالقىلانا بەرمەيتىن تاقىرىپتىڭ وسىلايشا انايى تۇردە بەرىلگەنى اشۋىمدى تۋدىردى.  مەن دە 15 جاستاعى قىز تاربيەلەپ وتىرمىن، ونىڭ قولىنا مۇنداي قاعاز تۇسكەنىن قالماۋشى ەدىم» - دەپ نارازىلىعىن ءبىلدىردى قالا تۇرعىنى.

وسىلايشا، ابدەن اشىنعان انا سەكسۋالدىق قارىم-قاتىناستى سۋرەتتەيتىن پاراقشانىڭ ءتۇپنۇسقاسىن الەۋمەتتىك جەلىگە جۇكتەپتى. ونى وقىعان جۇرت تا تاڭ قالىسىپ جاتىر. پىكىر دە ەكىگە بولىنگەن. ءبىرى دۇرىس دەسە، ەكىنشى تاراپ "سۇمدىق" دەپ پىكىر قالدىرعان. 

Kulyanda Baturbekova: وي سۇمدىق اي. مىناۋ ءبىزدىڭ مادەنيەتكە ءتىپتى ەرسى..ءبارىنىڭ دە شەگى بار! ەندى قالعانى وسى ەدى. بۇرىن ءوزىمىزدىڭ كلاسس جەتەكشىلەرىمىز قىزداردى بولەك، ۇلداردى بولەك شاقىرىپ، اڭگىمەلەسىپ-اق جەتكىزەتىن ەدى.

Nazgul Zhardembek: ءبىزدىڭ  قوعامدا نە بولىپ جاتىر؟ اپكەمنىڭ ايتۋىنشا، اۋىلداعى 5-سىنىپ وقۋشىلارى جىنىستىق قاتىناسقا ءتۇسىپ جاتىر ەكەن.  ءتىپتى، قوڭىراۋ كەزىندە بالالاردىڭ ۇستىنەن بىرنەشە مارتە تۇسكەن. 

Alfiya Sagittarius: دۇرىس ايتاسىز! قاعازدى قىزىما كورسەتتىم. ونىڭ ايتۋىنشا، مۇندا جۇكتىلىكتى الدىن-الۋ جولدارىنان گورى، جىنىستىق قاتىناسقا تۇسۋگە شاقىرتۋ سياقتى كورىنەدى

بەلگىلى بولعانداي،  جۋىردا  قالالىق مەكتەپتەردىڭ بىرىندە ەرتە جۇكتىلىكتىڭ الدىن الۋ بويىنشا قىزدارعا ءدارىس وقىتىلىپتى.  ال، انايى تۇردە جازىلعان قاعازدى بويجەتكەندەردىڭ قولدارىنا مامانداردىڭ وزدەرى  ۇستاتىپتى. 

 «نەگىزى ەمحانادا ورنالاسقان "سالاۋاتتى ءومىر سالتىن قالىپتاستىرۋ  ورتالىعىنان كەلگەن جارنامالار عوي. سول جاقتان كەلگەن ماماندار. قاجەت دارىستەر عوي بىلايشا،ءيبىراق ارينە مازمۇنى جاس ەرەكشەلىگىنە ساي جاسالۋ كەرەك بولاتىن» - دەيدى قالالىق ءبىلىم باسقارماسىنىڭ باسپا ءسوز حاتشىسى جازيرا اسانوۆا.     

ال قالالىق دەنساۋلىق ساقتاۋ باسقارماسىنىڭ ايتۋىنشا، كامەلەت جاسقا تولماعان جاستارعا جىنىستىق قاتىناسقا ءتۇسۋ جولدارىن بۇگە-شۇگەسىنە دەيىن ۇيرەتەتىن پاراقشا الدىن-الا تەكسەرىستەن وتپەگەن. سەبەبى، 14-16 جاستاعى وقۋشىلارعا وتكىزىلەتىن كەز-كەلگەن ءدارىس پەن تۇسىندىرمە پاراقشالارى ارنايى ورتالىق ماماندارىنىڭ باقىلاۋىنان ءوتۋى قاجەت. 
 
«بۇل اقپارات بويىنشا ءبىز ەشقانداي مالىمەت العان جوقپىز! اقپاراتتا كورسەتىلگەن مىناۋ قپما تەك سولارعا ارنالعان. بۇل بالالار ءۇشىن ەمەس،تەك قانا مەديسينا قىزمەتكەرلەرى ءۇشىن ۇسىنىس رەتىندە ۇسىنىلعان. بۇل - مەكتەپ وقۋشىلار، جاستار ءۇشىن اقپاراتتىق قاعاز بولىپ تابىلمايتىنىن100 پايىز ايتا الامىز» دەيدى قالالىق دەنساۋلىق ساقتاۋ باسقارماسىنىڭ جانۇيانى جوسپارلاۋ جونىندەگى باس مامانى جانەركە اجەتوۆا.

ءبىلىم جانە عىلىم مينيسترلىگى دە بۇل ماسەلەدەن حاباردار بولىپ شىقتى. ۆيسە-مينيستردىڭ ايتۋىنشا، اتالمىش ماسەلەگە قاتىسى بار  قىزمەتكەرلەردىڭ بارىنەن جاۋاپ الىنىپ، مەكتەپتەردە ارنايى قىزمەتتىك تەرگەۋ جۇمىستارىن باستاماق.

«بۇگىن ءبىز قىزمەتتىك تەرگەۋ جۇمىستارىن جۇرگىزەمىز. بىزدە ءبىلىم باسقارماسىن باقىلاۋ كوميتەتى بار. ولار پاراقشانى كىم جازعانىن، كىم ونى تاراتۋعا پارمەن بەرگەنىن انىقتايدى» دەدى ق ر ءبىلىم جانە عىلىم ۆيسە-مينيسترى بيبىگۇل اسىلوۆا.

وسىلايشا، قۇلاققا تۇرپايى ەستىلەتىن ماسەلەنىڭ شىعۋىنا ازىرگە كىم كىنالى ەكەنى بەلگىسىز. تەك، الداعى ۋاقىتتا مەكتەپ وقۋشىلارىنا وتكىزىلەتىن دارىستەر، سەمينارالار ءجىتى سۇزگىدەن وتكىزىلمەك.