اتالعان مەملەكەتتىك قىزمەت قازاقستاندىقتار ءۇشىن بيىل قولجەتىمدى بولادى. بۇل جاڭالىق مىندەتتى الەۋمەتتىك مەديسينالىق ساقتاندىرۋ جۇيەسىندە اقپاراتتىق تەحنولوگيالاردى ەنگىزۋ جانە دامىتۋ شەڭبەرىندە ىسكە اسىرىلادى. قىزمەت «ەلەكتروندى ۇكىمەت» پورتالىندا جانە حالىققا قىزمەت كورسەتۋ ورتالىقتارىندا قولجەتىمدى بولادى. ءاربىر ازامات مىندەتتى الەۋمەتتىك مەديسينالىق ساقتاندىرۋ جۇيەسىنە ءوزى ءۇشىن جاسالعان اۋدارىمداردى قاداعالاۋ مۇمكىندىگىنە يە بولادى.  

سونىمەن قاتار، 2018 جىلى الەۋمەتتىك مەديسينالىق ساقتاندىرۋ قورى ازاماتتاردى ەمحانالارعا تىركەۋ بويىنشا مەملەكەتتىك ەلەكتروندىق قىزمەتتى ۇسىناتىن تەحنولوگيانى جەتىلدىرۋدى جوسپارلاپ وتىر.

- قازىرگى تاڭدا مەديسينالىق ساقتاندىرۋ قورى ەلباسىنىڭ قازاقستان حالقىنا جولداۋىنداعى تاپسىرمالارىن ورىنداۋعا بەت بۇردى.  ەلباسى اقپاراتتىق جۇيەلەردى بىرىكتىرۋ، موبيلدىك سيفرلىق قوسىمشالاردى قولدانۋ، ەلەكتروندىق دەنساۋلىق پاسپورتىن ەنگىزۋ، «قاعاز قولدانبايتىن اۋرۋحاناعا» كوشۋ ارقىلى مەديسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ قاجەتتىلىگىنە اسا دەن قويدى، - دەيدى استانا قالاسى بويىنشا «ءامسق» كەاق فيليالىنىڭ ديرەكتورى نۇرلىبەك قابدىقاپاروۆ.

مىندەتتى الەۋمەتتىك مەديسينالىق ساقتاندىرۋ بويىنشا تولەمدەردىڭ كوشىرمەسىن جانە جۇيەگە قاتىسۋىن راستايتىن اقپاراتتى قازاقستاندىقتار 2018 جىلدىڭ ءبىرىنشى جارتىسىنىڭ سوڭىنا قاراي  حقكو ارقىلى الا الادى.

-قازىرگى تاڭدا بۇل اقپارات جارتىلاي «ەلەكتروندى ۇكىمەت» پورتالىندا  قولجەتىمدى. ەلەكتروندىق سيفرلىق قولتاڭباسى بار ازامات «جەكە كابينەتىنە» كىرىپ، جاسالعان سوڭعى تولەم بويىنشا تولىق اقپاراتتى الۋعا مۇمكىندىگى بار، - دەيدى استانا قالاسى بويىنشا «ءامسق» كەاق فيليالىنىڭ ديرەكتورى نۇرلىبەك قابدىقاپاروۆ

تىركەۋ ناۋقانىنىڭ قورىتىندىسى بويىنشا استانا قالاسىنىڭ مەديسينالىق مەكەمەلەرى قازىرگى تاڭدا ءبىر ميلليوننان استام ادامعا قىزمەت كورسەتىپ جاتىر. 1ء-شى قاڭتاردان باستاپ الەۋمەتتىك مەديسينالىق ساقتاندىرۋ قورى تەگىن مەديسينالىق كومەكتىڭ كەپىلدەندىرىلگەن كولەمىنىڭ وپەراتورى جانە مەديسينالىق قىزمەتتەر ءۇشىن ءبىرىڭعاي اقى تولەۋشى بولىپ ەسەپتەلەدى. قازاقستاندىقتار مەن  ەل اۋماعىندا تۇراقتى تۇراتىن شەتەل ازاماتتارى ەركىن تۇردە تىركەلۋ قۇقىعىن شەكسىز پايدالانا الادى. بۇرىنىراق مۇنداي مۇمكىندىك جارتى جىلدا ءبىر رەت نەمەسە تىركەۋ ناۋقانىنىڭ شەڭبەرىندە عانا مۇمكىن بولاتىن.