تاعى ءبىر تەراكت قۇربانى ماحاررام دۋرراني اۋعان قىزمەتىنە 15 مامىردان باستاپ قىزمەتكە كىرىسۋ كەرەك ەدى. ول راديونىڭ ايەلدەرگە ارنالعان باعدارلاماسىندا جۇمىس ىستەگەن. ماححارام كابۋل ۋنيۆەرسيتەتىندە يسلام زاڭدىلىقتارى بويىنشا ءبىلىم العان.
«بۇل جانتۇرشىگەرلىك جاڭالىق، - دەدى ازات ەۋروپا/ازاتتىق راديوسىنىڭ پرەزيدەنتى توماس كەنت، - ءبىز باتىر جۋرناليستەردىڭ، ارىپتەستەرىمىزدىڭ ولىمىنە قاتتى كۇيزەلىپ وتىرمىز، ولاردىڭ جاقىندارىنا، وتباسىنا قايعىرىپ كوڭىل ايتامىز».
تەراكتىدەن باق-تىڭ 10 قىزمەتكەرى قازا تاپقان. ولاردىڭ ىشىندە France Press اگەنتتىگىنىڭ ءفوتوتىلشىسى، 1TV، Tolo News جانە Mashal TV ارنالارىنىڭ جۋرناليستەرى بار.
30 ساۋىردە اۋعانستان استاناسىندا ەكى تەراكت بولدى. ءبىرىنشى جارىلىستا اقش ەلشىلىگى ماڭىندا جيحادشى ءوزىن جارىپ جىبەرگەن. وقيعا ورنىنا قۇتقارۋشىلار مەن جۋرناليستەر كەلگەن كەزدە ەكىنشى جيحادشى تاعى ءبىر تەراكت جاساعان. ول ءوزىن تەلەوپەراتور رەتىندە كورسەتكەن. ەكى تەراكتىگە دە جاۋاپكەرشىلىكتى "يسلام مەملەكەتى" تەرروريستىك ۇيىمى العان. ەكى جارىلىستان كەمىندە 30 ادام قازا تاۋىپ، 50-دەن استامى ءتۇرلى جاراقات العان.
