ماسكەۋدە قايتىس بولعان قازاقستاندىق ستۋدەنتتىڭ اناسى ينستاگرام پاراقشاسىندا قىزى توميريس بايسافا تۋرالى جازدى.

«سەنىڭ ءيىسىڭ، قولىڭ، داۋىسىڭ، كۇلكىڭ، حاتتارىڭ جۇرەگىمدە… ماعان سەنسىز قالاي ءومىر ءسۇرۋ كەرەكتىگىن ايتپادىڭ. «ءوز باقشاڭدى بىلعاما» دەپ ايتىپ ەدىڭ. ءاردايىم جانىڭدا بولامىن دەپ ەدىڭ… سەن ايتتىڭ… بارىم مەنىڭ. ماعان دەم بەرۋشى ەدىڭ. ەندى تىنىسىم تارىلدى…» دەپ جازدى جاننا احمەتوۆا.

ەستەرىڭىزگە سالا كەتەيىك، 2018 جىلدىڭ ءساۋىر ايىندا توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ 4ء-شى قاباتىنداعى ءدارىسحانانىڭ تەرەزەسىنەن قۇلاپ كەتكەن.

1997 جىلعى توميريس تاڭعى 4.00-تە قايتىس بولدى. تەرگەۋشىلەر ساۋىردە  اتالمىش ىسكە قاتىستى قىلمىستىق ءىس قوزعاعان. تەرگەۋشىلەردىڭ مالىمەتىنشە، قىز بىردەن اۋرۋحاناعا جەتكىزىلگەن. قايعىلى وقيعا 13 ساۋىردە بولدى.

توميريس حالىقارالىق ەكونوميكالىق قاتىناستار كافەدراسىنىڭ 4ء-شى كۋرسىندا وقىعان. ول ءۇزىلىس كەزىندە تەرەزەدەن قۇلاپ كەتكەن. بەيرەسمي اقپاراتقا سايكەس، ونى يتەرىپ جىبەرگەن.