قازىرگى بانك سەكتورىنداعى جاعدايعا بايلانىستى بانك كليەنتتەرى زارداپ شەگىپ جاتىر. قارجى قايتارىلماي نەمەسە جارتىلاي عانا قايتارىلعان جاعدايدى بولدىرماۋ ءۇشىن ەڭ الدىمەن بانكتەردىڭ اكتيۆتەرى مەن قارىز پورتفەلىنە ءمان بەرۋ كەرەك، دەپ جازادى Qamshy.kz اقپارات اگەنتتىگى.
2018 جىلدىڭ ناۋرىز ايىنىڭ سوڭىنا قاراي ەكىنشى دەڭگەيلى بانكتەردىڭ اكتيۆتەرى 23،8 ترلن تگ (بىلتىر - 25 ترلن تگ بولعان). ونىڭ قارىز پورتفەلىنە 56% نەمەسە 13،3 ترلن تەڭگەدەن كەلەدى (بىلتىر - 15،2 ترلن تگ بولدى).
ەكىنشى مىندەتتەر مەن سالىمدارعا ءجىتى نازار اۋدارۋ كەرەك. سالىمداعى وزگەرىستەر مەن ەكىنشى دەڭگەيلى بانكتەردىڭ مىندەتتەرىن باقىلاۋ قاجەت. سالىمدار بىردەن تومەندەسە بانكتە قارجىلىق قيىندىقتار بولادى. ەكىنشى دەڭگەيلى بانكتەردىڭ جالپى سومماسى - 20،7 ترلن تگ (بىلتىر - 22،1 ترلن تگ بولاتىن). ونىڭ 16،4 ترلن تگ – دەپوزيت (بىلتىر - 16،6 ترلن تگ بولدى).
اكتيۆ كورسەتكىشى بويىنشا كوشباسشى وندىقتاعى بانكتەر: حالىق بانكى - 4،7 ترلن تگ، سەسنابانك - 2 ترلن تگ، سبەربانك - 1،7 ترلن تگ، ForteBank - 1،5 ترلن تگ، بسك - 1،4 ترلن تگ، اتفبانك - 1،3 ترلن تگ، ەۋرازيا - 958،6 ملرد تگ، تۇرعىن ءۇي قۇرىلىس جيناق بانكى - 824،5 ملرد تگ جانە سيتيبانك - 620،9 ملرد تگ.
ءۇشىنشى كورسەتكىش – تولەنۋ قاجەت مەرزىمىنەن 90 كۇن (NPL+90) ءوتىپ كەتكەن كرەديتتەر. NPL+90 تومەن بولعان سايىن بانكتىڭ قارجىلىق جاعدايى جاقسى ەكەنىن بىلدىرەدى.
ءقازىر بارلىق بانك سەكتورىنىڭ NPL+90 - 10،01%. سيتيبانكتە كرەديت بويىنشا اتالمىش ولقىلىقتار جوق. سەبەبى قارىز پورتفەلىنىڭ سومماسى - 89،7 ملرد تگ. تۇرعىن ءۇي قۇرىلىس جيناق بانكى - 0،26% (بىلتىر - 0،43% بولعان).
ءىرى بانكتەردىڭ اراسىندا NPL+90 بويىنشا كورسەتكىشى تومەن «كلاسسيكالىق» بيزنەس-مودەلىنىڭ وكىلدەرىنىڭ اراسىندا سەسنا بانكتى اتاۋعا بولادى. ودان كەيىن سبەربانك. كوشباسشى ۇشتىكتى بسك ءتامامدايدى.
بانكتىڭ قارجىلىق دەڭگەيىنەن حابار بەرەتىن كورسەتكىشتەردىڭ ءبىرى – حالىقارالىق تاۋەلسىز اگەنتتىكتەردىڭ كرەديتتىك رەيتينگى. ماسەلەن Moody's، Standard and Poor's جانە Fitch Ratings. اتالمىش اگەنتتىكتەردىڭ ۇزاق جانە قىسقا مەرزىمدى رەيتينگى جوعارى بولعان سايىن بانكتىڭ جۇمىسى جاقسارا تۇسەدى. سايكەسىنشە قارجىنى جوعالتۋ قاتەرى تومەندەيدى.
بانك تاڭداۋدا ەڭ سوڭعى ءمان بەرەتىن ماسەلە – ق ر ۇلتتىق بانكتىڭ پرۋدەنسيالىق نورماتيۆتەرى مەن ەكىنشى دەڭگەيلى بانكتەردە ورىندالۋى.
