قازاقستاننىڭ سىرتقى ىستەر مينيسترلىگى قىرعىز تارابى جولداعان نوتاعا جاۋاپ بەردى.
قىرعىزستاندىقتار الماتى اۋەجايىندا قازاقستان قاۋىپسىزدىك ورگاندارى تاراپىنان بولعان تەكسەرىسكە نارازىلىق ءبىلدىرىپ، قىرعىزستان سىرتقى ىستەر مينيسترلىگىنە شاعىم تۇسىرگەن ەدى. ال قىرعىزستان ءسىم قازاقستان سىرتقى ىستەر مينيسترلىگىنە جاعدايدى ءتۇسىندىرۋدى تالاپ ەتىپ، نوتا جولداعان.
قىرعىز تاراپىنا جاۋاپ بەرگەن قازاقستان سىرتقى ىستەر مينيسترلىگى بۇل تەكسەرىستىڭ جوسپارلى بولعانىن، قازاقستاننىڭ مەملەكەتتىك شەكاراسىندا تەكسەرۋ جانە وتكىزۋ پۋنكتەرىندە زاڭ بويىنشا «قاۋىپسىزدىك شارالارىنىڭ كۇشەيتىلگەنىن» ايتتى . جاۋاپقا سايكەس، بارلىق شەتەل ازاماتى بىردەي تەكسەرىلەدى. قىرعىزستان سىرتقى ىستەر مينيسترلىگى جاعدايدى باقىلاۋدا ۇستايتىنىن ايتتى.
