بالالاردى قورعاۋ كۇنى قارساڭىندا ەڭبەك جانە حالىقتى  الەۋمەتتىك قورعاۋ مينيسترلىگىندە  بالالى وتباسىلاردىڭ الەۋمەتتىك قامسىزداندىرىلۋى جايىندا باسپا ءسوز ءماسليحاتى بولىپ ءوتتى.  شاراعا الەۋمەتتىك كومەك دەپارتامەنتى ديرەكتورىنىڭ ورىنباسارى بالجان باياحاتوۆا جانە اتاۋلى الەۋمەتتىك كومەك باسقارماسى باسشىسىنىڭ ورىنباسارى اينۇر ءابدىراحمانوۆا قاتىستى.   

بۇقارالىق اقپارات قۇرالدارىمەن كەزدەسكەن  ب.باياحاتوۆا ەلىمىزدە بۇل مەرەكەگە ەرەكشە كوڭىل ءبولىنىپ وتىرعانىن اتاپ ءوتتى. بالالى وتباسىلاردىڭ  زاڭدى مۇددەسى مەن قۇقىقتارىن قورعاۋ قازاقستان رەسپۋبليكاسىنىڭ مەملەكەتتىك باعدارلاماسىنىڭ نەگىزگى باعىتتارى بولماق.  

سونىمەن بىرگە، بالا تۋۋدى ىنتالاندىرۋ ماقساتىندا كوپبالالى انالاردىڭ مارتەبەسى مەن بەدەلىن كوتەرۋ، مۇمكىنشىلىگى شەكتەۋلى بالالاردى قولداۋ، از قامتاماسىز ەتىلگەن وتباسىلارىنا مەملەكەتتىك جاردەماقىلار مەن تولەمدەر قاراستىرىلعان.

 بۇل – بالا تۋۋعا قاتىستى جاردەماقىلار، ءبىر جاسقا دەيىنگى بالا كۇتىمىنە تولەنەتىن جاردەماقىلار، بالا تۋۋعا جانە جۇكتىلىككە بايلانىستى تابىستان ايىرىلعان جاعدايدا تولەنەتىن تولەمدەر، بالا كۇتىمىنە بايلانىستى ەڭبەك دەمالىسىنداعى ايەلدەرگە ارنالعان مىندەتتى زەينەتاقى تولەمدەرىن سۋبسيديالاۋ، «التىن القا»، «كۇمىس القا» توسبەلگىسىمەن  نەمەسە «باتىر انا» اتاعىن العان، I جانە  II  دارەجەلى «انالىق داڭق» وردەنىمەن ماراپاتتالعان كوپ بالالى انالارعا تابىستان تاۋەلسىز تولەنەتىن اي سايىنعى جاردەماقىلار.

«سوڭعى 10 جىلدا بالا تۋۋعا قاتىستى جاردەماقى 8 ەسەگە ارتتى. 16 380 تەڭگەدەن 142 947 مىڭ تەڭگەگە دەيىن. 2017 جىلدىڭ قورىتىندىسى بويىنشا بالا تۋۋعا قاتىستى جاردەماقىنى 392 مىڭ ادام 34،7 ملر تەڭگە سوماسىندا الدى»،-دەدى ب.باياحاتوۆا. 

سونىمەن بىرگە، ءبىر جاسقا دەيىنگى بالا كۇتىمىنە ارنالعان جاردەماقى سوڭعى 10 جىلدا 4 ەسە ارتىپ، 20 195 تەڭگەنى قۇرادى.

2017 جىلدىڭ قورىتىندىسى بويىنشا ءبىر جاسقا دەيىنگى بالا كۇتىمىنە ارنالعان جاردەماقى145 مىڭ ادامعا 32،4 ملرد تەڭگە سوماسىندا اۋدارىلدى، ال 2018 جىلدىڭ 1 قاڭتارىندا 132 مىڭعا جۋىق ادامعا 9،8 ملرد تەڭگە جالپى سوماسىندا قولداۋ كورسەتىلدى.

بۇدان وزگە، ب.باياحاتوۆا 2008 جىلدان باستاپ بالا تۋۋعا جانە جۇكتىلىككە بايلانىستى تابىستان ايىرىلعان جاعدايدا تولەنەتىن تولەمدەردىڭ ەنگىزىلگەنىن ەرەكشە اتاپ ءوتتى.

2017 جىلى 180 مىڭعا جۋىق ادام 62،6 ملرد تەڭگە سوماسىندا اتالعان تولەم ءتۇرىن العان. تەك 2018 جىلدىڭ 1 قاڭتارىندا 68،5 مىڭعا جۋىق ادامعا 22،4 ملرد تەڭگە اۋدارىلدى.

ءبىر جاستان كامەلەتتىك جاسقا تولعانعا دەيىنگى بالالار كۇتىمىنە ارنالعان جاردەماقىلارعا توقتالساق، 2017 جىلى ءاسمق ەسەبىنەن 225 مىڭنان اسا ادامعا 74،1 ملرد تەڭگە سوماسىندا جاردەماقى بەرىلدى.

بۇگىنگى تاڭدا 265 مىڭنان اسا ادامعا 29،2 ملرد تەڭگە تولەندى.

سونىمەن قاتار، جۇمىس ىستەيتىن ايەلدەر سانىنىڭ كوبەيۋىنىڭ وڭ ءۇردىسى بايقالادى، بۇل ءاسمق ەسەبىنەن ءبىر جاسقا دەيىنگى بالا كۇتىمىنە ارنالعان جاردەماقى الۋشىلار سانىنىڭ ارتىلعانىن كورسەتەدى.  2013 جىلى اتالعان جاردەماقى ءتۇرى 135 مىڭنان اسا ادامعا اۋدارىلسا، 2017 جىلى ولاردىڭ جالپى سانى 225 مىڭ ادامدى قۇرادى.

بۇل رەتتە 2014 جىلدان باستاپ  ءبىر جاسقا دەيىنگى بالا كۇتىمىنە ارنالعان تولەمدەردى الۋشىلاردىڭ زەينەتاقى جارنالارىن سۋبسيديالاۋدىڭ ەنگىزىلگەنىن ايتا كەتكەن ءجون.

 «2017 جىلى رەسپۋبليكالىق بيۋدجەتتەن دەربەس زەينەتاقى شوتىنا ءبىر جاسقا دەيىنگى بالا كۇتىمىنە ارنالعان جاردەماقىنى 85 مىڭعا جۋىق الۋشىعا ءاسمق –دان 4،4 ملرد تەڭگە اۋدارىلدى.   2018 جىلدىڭ 1 مامىرىندا 80 مىڭعا جۋىق الۋشىعا 1،4 ملرد تەڭگە ءبولىندى»،-دەدى ب.باياحاتوۆا.

      سونىمەن بىرگە، ب.باياحاتوۆا  بۇگىنگى تاڭدا كوپبالالى وتباسى مەملەكەتتىك الەۋمەتتىك ساياساتتىڭ ءتيىمدى كورسەتكىشى ەكەنىن اتاپ ءوتتى.

        مەملەكەت كوپبالالى انالارعا «التىن القا»، «كۇمىس القا» توسبەلگىسىمەن ماراپاتتاي وتىرىپ، ماتەريالدىق كومەك تە كورسەتەدى.

وسىلايشا، باتىر انالار 6،4 اەك مولشەرىندە نەمەسە 15،392 تەڭگە كولەمىندە ومىرلىك كومەك الۋدا. ولارعا سالىقتىق جەڭىلدىكتەر، اتاپ ايتساق،  كولىك قۇرالدارى سالىعىنا، مەملەكەتتىك باج جانە تاعى باسقا سالىقتارعا جەڭىلىكتەر دە قاراستىرىلعان.

«2018 جىلدىڭ قاڭتار-ناۋرىز ايلارىندا دۇنيەگە كەلگەن سابيلەر سانى 92،6 مىڭدى قۇرادى، بۇل 2017 جىلدىڭ ءتيىستى كەزەڭىمەن سالىستىرعاندا 0،3 پايىزعا ارتىلعان.  1000 ادامعا جالپى تۋۋ شاماسى 20،57 تۋۋدى قۇرادى. سونىمەن بىرگە، قازاقستاندا وتباسىنىڭ سانى 4 ميلليونعا ارتتى، وتباسىلىق شاماسى -3،5 قۇراپ وتىر»،-دەدى ب.باياحاتوۆا.

سپيكەر 2010 جىلدان باستاپ مەملەكەتتىك جاردەماقى اتا-انالاردىڭ، اسىراپ الۋشىلاردىڭ، قامقورشىنىڭ، كامەلەتتىك جاسقا دەيىنگى مۇمكىندىگى شەكتەۋلى بالانى تاربيەلەپ وتىرعان اتا-انالاردىڭ ەڭ تومەنگى جالاقىسىنا 1،05 كولەمىندە مەملەكەتتىك جاردەماقى ەنگىزىلگەنىن جەتكىزدى.

وسىعان سايكەس، 2017 جىلى 77 مىڭعا جۋىق وتباسىعا  24 ملرد تەڭگە سوماسىندا اتالعان جاردەماقى ءبولىندى. 2018 جىلدىڭ 1 مامىرىندا 79 مىڭعا جۋىق ادامعا 9،8 ملرد تەڭگە سوماسىندا تولەم اۋدارىلعان.

ءوز كەزەگىندە ول مەملەكەت ءوز ازاماتتارىنا قامقورلىق جاساپ وتىرعانىن جانە تولەنەتىن جاردەماقىنىڭ كولەمى ارتىپ كەلەتىنىن جەتكىزدى.

وسىلايشا، انا مەن بالانى قولداۋ بويىنشا قۇرىلعان ۇلتتىق مودەلى تۋۋ ىنتاسىن قامتاماسىز ەتەدى جانە وتباسىنداعى بالا تاربيەسىنە جاردەمدەسەدى.