اقش جۇڭگو ازاماتتارىنا ارنالعان ۆيزالىق رەجىمنىڭ تالاپتارىن كۇشەيتتى. اقش تاراپى قىتايلىقتارعا بەرگەن ۆيزانىڭ جارامدىلىعىن كەز كەلگەن ۋاقىتتا شەكتەۋگە قۇقىلى. بۇل ءۇردىس 11 ماۋسىمنان باستاپ كۇشىنە ەنبەك.
«11 ماۋسىمنان باستاپ ۆيزاعا ءوتىنىش بەرگەن قىتايلىقتارعا قاتىستى قاۋىپسىزدىكتى كۇشەيتۋ شارالارىن ەنگىزەمىز. جۇڭگو ازاماتتارىنا بەرىلگەن ۆيزالار ەڭ ۇزاق مەرزىمگە بەرىلگەن. كونسۋلدىق قىزمەت كەز كەلگەن جاعدايعا بايلانىستى ۆيزانىڭ ۋاقىتىن شەكتەي الادى»، - دەدى مەملەكەتتىك دەپارتامەنت وكىلى.
اگەنتتىكتىڭ دەرەگىنە سۇيەنسەك، بۇل شارا ۇلتتىق قاۋىپسىزدىك ستراتەگياسىن جۇزەگە اسىرۋ اياسىندا اتقارىلىپ جاتىر. ال ۆيزانى بەرۋ پروسەدۋراسى وزگەرگەن جوق.
مامىردىڭ ورتاسىندا ۆاشينگتوندا اقش جانە جۇڭگو ساۋدا دەلەگاسيالارىنىڭ اراسىندا كونسۋلتاسيا وتكەن. تاراپتار زياتكەرلىك مەنشىكتى قورعاۋعا ۇلكەن ءمان بەردى. جۇڭگو تاراپى دا ءوز زاڭنامالارىنا ءتيىستى وزگەرىستەردى ەنگىزۋدى جوسپارلاپ وتىر.
