شىۇ-نىڭ الەم الدىندا سالماعىنىڭ ارتۋى ۇلكەن ساياسي ماسەلە. بۇل تۋرالى ەلباسى قىتايعا ساپارى جونىندە ب ا ق وكىلدەرىنە بەرگەن سۇحباتىندا مالىمدەدى، دەپ حابارلايدى Qamshy.kz اقپارات اگەنتتىگى.

- شىنىندا رەسەي مەن اقش، باتىس ەلدەرى اراسىنداعى سانكسيالار رەسەي ءۇشىن وڭاي بولىپ تۇرعان جوق. ەۋروپانىڭ ءوزى ءقازىر اقش-پەن كەلىسىمگە كەلە الماي جاتىر. ينتەگراسيا ماسەلەسى باسەڭدەپ قالدى. اقش پەن تىنىق مۇحيتى ەلدەرى اراسىنداعى كەزدەسۋلەر، ءتىپتى جانىنداعى كانادا مەن مەكسيكا اراسىنداعى قارىم-قاتىناس ناشارلاپ جاتقاندا، دۇنيە جۇزىندە ساۋدا ۇيىمىندا قابىلدانعان ماسەلەلەر ورىندالماي جاتىر. بۇۇ قابىلداعان شەشىمدەر دە ورىندالماي، الەم ەلدەرى اراسىنداعى بايلانىس بوساڭسىپ جاتقان كەزدە شىۇ باسقا مەملەكەتتەر ءۇشىن ۇلكەن ءۇمىت سياقتى. بىلتىر «ءبىر بىلدەۋ، ءبىر جول» تاقىرىبىندا فورۋم ۇيىمداستىرىلدى. 137-دان استام ەل قاتىستى. بۇل نەنى بىلدىرەدى؟ بارلىق ينتەگراسيالىق قارىم-قاتىناستار مەن جاھاندانۋ پروسەسى السىرەگەندە قانداي دا ءبىر جول ىزدەۋ كەرەك. حالىقارالىق ەرەجەلەر، ساياسي كەلىسىمدەر ورىندالماعاندا «ءبىر بەلدەۋ، ءبىر جول» سىندى جوبالار ادامدارعا مۇمكىندىك بەرەدى، - دەدى نازاربايەۆ.بۇگىنگى جيىن تاريحي بولىپ سانالادى. سەبەبى سامميتكە 8 مەملەكەت قاتىستى. ءۇندىستان مەن پاكىستاننىڭ وسى قاتارعا قوسىلۋى جەر بەتىنىڭ 20 پايىز ەكونوميكاسى مەن 40 پايىز حالقىنىڭ وسى جەردە شوعىرلانۋىنا سەبەپكەر بولىپ وتىر. بۇل مەملەكەتتەردىڭ بارلىعى وسى جەردەن نارىققا، ينتەگراسياعا، قارجىعا قول جەتكىزۋگە ءۇمىتتى. شىۇ وسىنداي ءۇمىت سىيلايدى. ءبىز وسى باعىتتا جۇمىس جاسايمىز. بۇل قىتايدىڭ وزىنە دە پايدالى. 1،5 ميلليارد حالىقتىڭ جاساپ جاتقان زاتىن ساتۋ كەرەك قوي. جىبەك جولى ارقىلى تاۋارلارىن سىرتقا شىعارۋ، ارتىق اقشاسىن ءتيىستى جەرلەرگە سالۋ كەرەك. ال بىزگە پايدالى تۇسى – بىزگە دە نارىق اشىلادى، قارجى كەلەدى، ءوندىرىس اشامىز. سول سەبەپتى بۇل ماسەلەنىڭ ۇلكەن ءمان-ماعىناسى بار دەپ ساناۋ كەرەك"، - دەدى نۇرسۇلتان نازاربايەۆ.