قازاقستان پرەزيدەنتى نۇرسۇلتان نازاربايەۆ جۇڭگو كاسىپكەرلەرى ينۆەستيسيا قۇياتىن باستى جوبالار مەن كاسىپورىنداردى اتادى.
– مەن ءاردايىم بىزگە ءتورتىنشى مۇناي وڭدەۋ زاۋىتى قاجەت ەكەنىن ايتاتىنمىن. ءقازىر ءبىز قايتا ءقۇرۋ جۇمىستارىن جۇرگىزدىك، ءبىراق 3-4 جىلدان كەيىن جانار-جاعارماي ماتەريالدارى قايتادان جىبەرىلمەيدى. سول سەبەپتى مۇناي وڭدەۋ زاۋىتى قاجەت. ءبىز 50 پايىزىنا قىتايلىق ينۆەستورلاردى، قالعان 50 پايىزىنا ءوزىمىزدى كىرگىزەمىز دەپ كەلىستىك. ول 2 ملرد اقش دوللارىن قۇرايدى. قازاقستانعا ونداي ينۆەستيسيانى كىم قۇيادى؟ باتىس قازاقستاندا پوليەتيلەن ءوندىرىسى تۋرالى ماسەلە بار. العاشىندا پوليپروپيلەن، كەيىن پوليەتيلەن، - گازدى حيميالىق كومبينات دەپ اتالادى ءارى باعاسى قۇرىلعى جاعىنان دا، كولەمى جاعىنان دا قىمبات. تەك وسى جەردە ءوزارا تۇسىنىستىككە قول جەتكىزدىك، - دەدى مەملەكەت باسشىسى.
ونىڭ سوزىنشە، قازاقستان-قىتاي ىنتىماقتاستىعىنىڭ ارقاسىندا اليۋمينيي ءوندىرىسى دە داميتىن بولادى.
– پاۆلودار اليۋمينيي زاۋىتى: ءبىز تەك گلينوزەم ساتتىق. ءقازىر وسى كومپانيالاردىڭ ارقاسىندا 250 مىڭ توننا مەتالل ءاليۋمينييىن ءوندىرىپ وتىرمىز، تاعى 200 مىڭ توننا تازا اليۋمينيي ءوندىرىپ جاتىرمىز. گلينوزەم مەن بايىتىلعان اليۋمينييدەن قاراعاندا ونىڭ باعاسى باسقا. بۇل وبەكتىلەردىڭ ءبارى 800 ملن دوللار تۇرادى، - دەدى پرەزيدەنت.
بۇعان قوسا قازاقستاندا قىتايلىق ينۆەستورلاردىڭ قارجىسىنا تاعى ءبىر كاسىپورىن اشىلماق.
– الماتى وبلىسى، سارىوزەك پەن تالدىقورعاننىڭ ورتاسىندا «كوكساي» مىس كەن ورنى بار. وسى كەن ورىندارى نەگىزىندە الماتى وبلىسىندا ءىرى تاۋ-كەن مەتاللۋرگيالىق كومبيناتى پايدا بولادى. اقتوعاي كەندى كومبيناتى – كونسەنترات وندىرەتىن الىپ كومبينات. وندا 40 ملن توننا كەن وڭدەلەدى. ونى دامىتۋ ءۇشىن پاۆلوداردا تاعى ءبىر زاۋىت سالۋ تۋرالى كەلىستىك. ول بۇرىننان بار، تەك دامىتۋ كەرەك، - دەدى ەلباسى.
