قۇرىلتايدا قازاقستان مۇسىلماندارى ءدىني باسقارماسىنىڭ جاڭا باس ءمۇفتيى سايلاندى. ەندى ەلىمىزدىڭ باس ءمۇفتيى، ءدىنباسى – شىعىس قازاقستان وبلىسى، سەمەي ءوڭىر يمامى ەرجان مايامەروۆ.

تالاپ بويىنشا باس ءمۇفتي بولۋ ءۇشىن قىرىق جاستان اسقان، جوعارى ءبىلىمى بولۋى كەرەك. بارلىق ەل يمامدارى ءبىراۋىزدان قولداعان ەرجان مالعاجى ۇلى سول جەردە ءوزىنىڭ نايب مۇفتيلەرىن سايلادى. ءمۇفتيدىڭ ورىنباسارلارى بولىپ «ازىرەت سۇلتان» مەشىتىنىڭ باس يمامى قايرات جولدىباي ۇلى مەن قوستاناي مارال يشان مەشىتىنىڭ حاتيب-يمامى سەرىكباي وراز تاعايىندالدى.

مايامەروۆ ەرجان مالعاجى ۇلى 1972 جىلى 16 جەلتوقسان كۇنى دۇنيەگە كەلگەن. 1990 جىلى ماقانشى اۋىلىنداعى عاني مۇراتبايەۆ اتىنداعى ورتا مەكتەپتى ءتامامداعان. 1991-1993 جىلدارى وتان الدىنداعى اسكەري بورىشىن وتەپ كەلگەن سوڭ، سول جىلى مىسىرداعى ءال-ازھار يسلام ۋنيۆەرسيتەتىنىڭ شاريعات جانە زاڭ فاكۋلتەتىنە وقۋعا قابىلدانىپ، 2006 تامامدادى. 2006-2008 جىلدارى ارالىعىندا مىسىر ەلى مۋفتياتىنىڭ ءپاتۋا شىعارۋ بولىمىندە ءبىلىمىن جالعاستىردى. 2011 جىلى 10 قازان كۇنى باس ءمۇفتي ءابساتتار قاجى دەربىسالى حازىرەتتىڭ ۇيعارىمىمەن، مايامەروۆ ەرجان مالعاجى ۇلى قمدب-نىڭ سەمەي وڭىرىندەگى وكىل يمامى بولىپ تاعايىندالدى. ۇيلەنگەن 3 بالاسى بار.

muslim.kz