قازاقستاننىڭ استاناسى مەن تاعى ءۇش وڭىردە كۇشتى جەل بولىپ، نايزاعاي ويناپ، نوسەر جاۋىن جاۋادى، دەپ حابارلايدى Qamshy.kz اقپارات اگەنتتىگى قازگيدرومەت مالىمەتىنە سۇيەنىپ.
استانادا 27-29 ماۋسىمدا نايزاعاي ويناپ، كۇندىز بۇرشاق جاۋادى. 27 ماۋسىمدا كۇندىز جەل كوتەرىلەدى.
27-29 ماۋسىم ارالىعىندا سولتۇستىكتەن، سولتۇستىك-باتىستان جىلدامدىعى سەكۋندىنا 15 مەتر بولاتىن جەل سوعادى.
اقمولا وبلىسىندا 27-29 ماۋسىم ارالىعىندا كەي جەرلەردە سولتۇستىكتەن جانە سولتۇستىك-باتىستان جەل سوعىپ، جىلدامدىعى سەكۋندىنا 15-20 مەتر بولادى. ەكپىنى 25 مەترگە جەتىپ قالادى.
كەي جەرلەردە نايزاعاي ويناپ، كۇندىز جەل كۇشەيۋى ىقتيمال. كەي جەرلەرگە نوسەر جاۋىن جاۋادى.
قاراعاندى وبلىسىندا 27-29 ماۋسىم ارالىعىندا جەل كۇشەيىپ، جىلدامدىعى سەكۋندىنا 15-20 مەتر بولادى. نايزاعاي ويناپ، بۇرشاق جاۋۋى ىقتيمال.
قوستاناي وبلىسىندا 27 ماۋسىمدا كۇندىز سولتۇستىكتەن جەل سوعادى. كەي جەرلەردە جەلدىڭ جىلدامدىعى سەكۋندىنا 15-20 مەترگە جەتەدى.