مالازيادا جەرگىلىكتى بيزنەسمەن قولىنداعى سمارتفونى جارىلىپ كەتىپ قايتىس بولدى دەپ حابارلايدى Qamshy.kz اقپارات اگەنتتىگى. وقىس جاعداي ەر ادام ۇيىقتاپ جاتقان كەزدە بولعان.

جەرگىلىكتى باق-تىڭ حابارلاۋىنشا، قايتىس بولعان نازرين حاسسان – Cradle Fund كاسىپكەرلىك كومپانياسىنىڭ اتقارۋشى ديرەكتورى بولىپ قىزمەت اتقارعان.

وقىس جاعداي 45 جاستاعى كاسىپكەر سمارتفوندى جاتىن ورنىنىڭ قاسىنا قۋات كوزىنە قوسىپ قويعاندا بولعان.

سمارتفون تۇسىنىكسىز جاعدايدا جارىلىپ كەتكەن. ارتىنشا ءورت شىققان. دەنەسەنىڭ 100 پايىزى كۇيىپ قالعان نازرين حاسسان وقيعا ورنىندا قازا تاپقان. جارىلىس ناتيجەسىندە سمارتفوننىڭ جارىلىپ، ءبىر بولشەگى ەر ادامنىڭ باسىنا تيگەن. جارىلىستىڭ اسەرىنەن بولمەدەگى بارلىق جيھاز ورتەنىپ كەتكەن.

مارقۇمنىڭ تۋىستارىنىڭ ايتۋى بويىنشا كاسىپكەردىڭ Blackberry ي Huawei ماركالى ەكى سمارتفونى بولعان. ءبىراق پوليسيا ەكى تەلەفوننىڭ قاي ماركاسى جارىلعانىن ايتپاي وتىر.

«ەش زيانى جوق تەلەفون ءۇش بالانى اكەسىز جەتىم قالدىرادى دەپ كىم ويلاعان»، - دەپ كۇرسىندى مارقۇمنىڭ تۋىسى.