«سيفرلىق قازاقستان» باعدارلاماسىنىڭ جۇزەگە اسۋى، كۇندەلىكتى ومىردە ەلەكتروندى قىزمەت الۋدى كەڭىنەن ناسيحاتتاۋ ماسەلەلەرى توڭىرەگىندە بقو-نىڭ ءبىرقاتار اۋداندارىندا سەمينار-كەڭەستەر وتۋدە. سونىڭ ءبىرى جۋىردا قاراتوبە اۋدانىندا ۇيىمداستىرىلعان ەدى. حالىقتىڭ سيفرلىق ساۋاتتىلىعىن ارتتىرۋ جانە مەملەكەتتىك قىزمەتتەر كورسەتۋ تۋرالى جيىندا مەملەكەتتىك قىزمەتتەردى ەلەكتروندى الۋعا كوشۋ تۋرالى ايتىلدى. قاراتوبە اۋدانى اكىمىنىڭ مىندەتىن ۋاقىتشا اتقارۋشى راشيت يمانعالييەۆ ءتوراعالىق ەتكەن جيىنعا ءبولىم باسشىلارى، اۋداندىق مەكەمەلەر قىزمەتكەرلەرى، اۋىلدىق وكرۋگ اكىمدەرى قاتىستى.  

«ءبىلىم بەرۋ سالاسىن سيفرلاندىرۋ جانە «سيفرلىق قازاقستان» باعدارلاماسى اياسىندا حالىقتىڭ سيفرلىق ساۋاتتىلىعىن ارتتىرۋ تۋرالى» تاقىرىبىندا اۋداندىق ءبىلىم بەرۋ ءبولىمىنىڭ باسشىسى بەرىكجان عاراپشييەۆ بايانداما جاسادى. قازاقستان رەسپۋبليكاسىندا ءبىلىم بەرۋدى جانە عىلىمدى دامىتۋدىڭ 2016-2019 جى لدارعا ارنالعان مەملەكەتتىك باعدارلاماسىن ىسكە اسىرۋ شەڭبەرىندە جۇزەگە اسپاقشى جاڭا جوبالار مەن جاڭا باستامالاردىڭ اۋداننىڭ ءبىلىم بەرۋ سالاسىندا ورىندالۋىنا توقتالدى. جيىن بارىسىندا «ە-gov» ەلەكتروندىق ۇكىمەت پورتالى ارقىلى ەلەكتروندى قىزمەت الۋ تۋرالى «ازاماتتارعا ارنالعان ۇكىمەت» ۇەم» حقكو اۋداندىق فيليالى ديرەكتورىنىڭ ورىنباسارى التىناي قازيۋللينا ەلەكتروندى ۇكىمەت – اقپاراتتىق تەحنولوگيالار كومەگىمەن ءىشىنارا كەلىسۋشىلىكتى قامتاماسىز ەتەتىن، مەملەكەت پەن ازاماتتار اراسىنداعى، سونداي اق، مەملەكەتتىك ورگانداردىڭ ءوزارا ارەكەتتەستىگىنىڭ ءبىرىڭعاي مەحانيزمى جونىندە ايتىپ بەردى.

ەلەكتروندىق ۇكىمەت پورتالىنىڭ باستى ماقساتى ازاماتتار مەن ۇيىمداردىڭ مەملەكەتتىك قىزمەت كورسەتۋلەرگە جىلدام ءارى ساپالى قولجەتىمدىلىگىن قامتاماسىز ەتۋ، اقپاراتتىق-كوممۋنيكاسيالىق تەحنولوگيالاردى كەڭىنەن قولدانۋ جولىمەن مەملەكەتتىك ورگانداردىڭ جۇمىس ىستەۋ تيىمدىلىگىن ارتتىرۋ. ەلەكتورندىق ۇكىمەت پورتالىنا سمس ارقىلى كىرۋ – ءبىر رەتتىك پارول ارقىلى، ەسق ارقىلى، لوگين/پارول ارقىلى، sim-كارتا ارقىلى كىرۋگە بولادى،- دەيدى التىناي قازيۋللينا.

  «قازپوشتا» اق باتىس قازاقستان وبلىستىق فيليالى قارجى ءبولىمىنىڭ باسشىسى گۇلزات نازاروۆا كوممۋنالدىق قىزمەتتەردىڭ اقىسىن ونلاين تولەۋ، ونلاين ساۋدا جانە www.post.kz سايتى تۋرالى، ەۋرازيالىق بانك اق قاراتوبە اۋدانىنداعى وكىلى ەرمەك بولاتوۆ ەۋرازيالىق بانكتىڭ «Smart bank» ءموبيلدى قوسىمشاسىنىڭ مۇمكىندىكتەرى تۋرالى ءتۇسىندىرىپ بەردى. «ە-gov» ەلەكترون دىق ۇكىمەت پورتالى جانە «دارىگەرگە جازىلۋ» موبيلدىك باعدارلاماسى ارقىلى دارىگەرگە جازىلۋدى جۇزەگە اسىرۋ جانە جەكە ەلەكتروندىق كارتالارى تۋرالى اۋداندىق ورتالىق اۋرۋحانا مامانى اسىلحان مەتەنوۆ ءتۇسىندىردى. جيىن بارىسىندا قازىرگى ۋاقىتتا زامان تالابىنا اينالىپ وتىرعان سيفرلاندىرۋدى جۇرگىزۋ، حالىقتىڭ سيفرلىق ساۋاتتىلىعىن ارتتىرۋ، مەملەكەتتىك قىزمەتتەردى ەلەكتروندى تۇردە الۋ تۋرالى كەڭىنەن قارالدى. كۇن تارتىبىندە قارالعان ماسەلەلەر بويىنشا بايانداماشىلار ايتقانداي ونلاين تۇردە تولەمدەر جۇرگىزۋ، قاجەتتى قىزمەتتەردى، انىقتامالاردى الۋعا ۇيدە وتىرىپ قول جەتكىزە الاتىندىعى جونىندە ناسيحات جۇمىستارى ءجۇرۋ كەرەكتىگى قوزعالدى. ايتا كەتەرلىگى، اۋىلدىق وكرۋگ اكىمى اپپاراتتارىنىڭ جانىنان حالىققا «ە-gov» ەلەكتروندىق ۇكىمەت پورتالى ارقىلى قىزمەت الۋدا كومەك كورسەتۋ ءۇشىن وزىنە-وزى قىزمەت كورسەتۋ بۇرىشتارى قۇرىلىپ، جەرگىلىكتى تۇرعىندارعا قىزمەت جاساۋدا.