«سامۇرىق-قازىنا» اق مەن قور قورجىنىنداعى كومپانيالار كرەاتيۆتى جاس IT-ماماندارىن جۇمىسقا الادى. بۇل تۋرالى باعدارلامانىڭ اشىلۋ سالتاناتىندا «سامۇرىق-قازىنا» ءۇاق» اق وپەراسيالىق قىزمەت جونىندەگى باسقارۋشى ديرەكتورى الىشەر پىرمەتوۆ مالىمدەدى. ونىڭ ايتۋىنشا، جاڭا تۇجىرىمدامالىق باعدارلاما «سيفرلىق قازاقستاندى» دامىتۋ اياسىندا جۇزەگە اسىرىلعان. بۇل باعدارلاما تاعىلىمدامادان ءوتۋ بارىسىندا تۋىنداعان قانداي دا ءبىر يدەيالاردى ىسكە اسىرۋ ىقتيمالدىلىعىن باعالاۋعا مۇمكىندىك بەرەدى.

«ەلباسى ايتىپ كەتكەندەي، بۇگىنگى تاڭدا ەل باسەكەگە قابىلەتتى بولۋ ءۇشىن پايدالى قازبالار جەتكىلىكسىز، ول ءۇشىن مەملەكەت، اسىرەسە، سيفرلىق تەحنولوگيالار سالاسىندا الدىڭعى قاتاردا بولۋى كەرەك. ءبىز «سامۇرىق-قازىنا» اق كومپانيالار توبى رەتىندە ساندىق تەحنولوگيالاردى دامىتۋعا مۇددەلىمىز»،- دەپ اتاپ ءوتتى الىشەر پىرمەتوۆ.

ەستەرىڭىزگە سالا كەتەيىك، 2018 جىلدىڭ 6 ماۋسىمىندا «سامۇرىق-قازىنا» ءۇاق» اق مەن قورجىندىق كومپانيالارىندا «سيفرلىق جاز 2018» تاعىلىمداما باعدارلاماسى باستالدى. وسى باعدارلامانىڭ بىرەگەي ەرەكشەلىكتەرىنىڭ ءبىرى – تاعىلىمدامادان ءوتۋشى جاستار باسەكەلەستىگى جوعارى Iت سالاسىندا  قۇندى تاجىريبە مەن ءبىلىم الادى،  SAP، Microsoft، Oracle، Cisco، HP، IBM، Huawei كومپانيالارىنىڭ ونىمدەرىمەن جۇمىستارىن شىڭداي الادى.

ءوتىنىم 6-30 ماۋسىم ارالىعىندا قابىلداندى. تاعىلىمدامانىڭ ءوزى 9 شىلدەدەن باستاپ 7 قىركۇيەككە دەيىن استانا، الماتى، وسكەمەن، پاۆلودار، اتىراۋ قالالارىندا وتكىزىلەدى.

            جوعارعى وقۋ ورىندارىن 2016، 2017 جانە 2018 جىلدارى بىتىرگەن ستۋدەنتتەر «سيفرلىق جاز – 2018» باعدارلاماسىنا «سامۇرىق-قازىنا» ءۇاق» اق رەسمي www.sk.kz سايتىنا كىرىپ، ءوتىنىم قالدىردى. اقپاراتتىق تەحنولوگيالارعا دەگەن قىزىعۋشىلىق جانە قور كومپانيالارىندا اقپاراتتىق تەحنولوگيالارىنىڭ دامۋىنا ۇلەس قوسۋ باعدارلامانىڭ نەگىزگى تالابى بولىپ سانالادى.

تاعىلىمداماعا قاتىسۋ ءۇشىن كاسىبي تاجىريبەنىڭ بولۋى مىندەتتى ەمەس. اقپاراتتىق جۇيەلەر مەن ينفراقۇرىلىمدى اكىمشىلەندىرۋ، جوبالىق باسقارۋ، باعدارلامالاۋ، قوسىمشالار ارحيتەكتۋراسى، اقپاراتتىق قاۋىپسىزدىك قاعيدالارى سالاسىندا نەگىزگى ءبىلىم قاجەت. بۇل تاعىلىمداما تولەنبەيدى. قور تۇرۋ جانە كولىك شىعىندارىن وتەمەيدى.

 ءۇش اپتا ىشىندە بۇل باعدارلاما ۇلكەن سۇرانىسقا يە بولدى. ءوتىنىم بەرگەندەردىڭ سانى 2100-گە جەتىپ، ولاردىڭ 500ء-ى نەگىزگى IT ءبىلىمىن تەكسەرەتىن   سىناقتان سۇرىنبەي ءوتتى، سونىڭ ىشىندە 72 جاس مامان تاعىلىمداماعا شاقىرىلادى.

باعدارلاما قورىتىندىسى بويىنشا ۇزدىك تانىلعان 33 جاس مامان كەلەسى كومپانيالار توبىندا جۇمىسقا ورنالاسۋ مۇمكىندىگىنە يە بولماق: «قازمۇنايگاز» ۇك» اق، «قازاتومونەركاسىپ» ۇاك» اق، «قازاقستان تەمىر جولى» ۇك» اق، «قازپوشتا» اق، «سامۇرىق-ەنەرگو» اق، «قازاقتەلەكوم» اق، «تاۋ-كەن سامۇرىق» اق، «كورەم» اق،  «Qazaq Air» اق، «ەنەرگوينفورم» اق، «سامۇرىق-قازىنا كونتراكت» ج ش س جانە «بىرىككەن حيميالىق كومپانيا» ج ش س.