اقتوبە وبلىسىندا بۇگىنگە دەيىن تۇرعىنداردىڭ 85%-ى ەلەكتروندى مەديسينالىق ءتولقۇجاتقا كوشىرىلدى. بۇل تۋرالى اقتوبە وبلىسىنىڭ اكىمى بەردىبەك ساپاربايەۆ ۇكىمەتتىڭ كەڭەيتىلگەن وتىرىسىندا مالىمدەدى، دەپ حابارلايدى Qamshy.kz اقپارات اگەنتتىگى digitalkz.kz سايتىنا سىلتەمە جاساپ
وبلىس باسشىسىنىڭ ايتۋى بويىنشا وڭىردە سيفرلاندىرۋ سالاسى قارقىندى تۇردە جۇزەگە اسىرىلۋ ۇستىندە، قازىرگى كەزدە دارىگەرلەردىڭ ەسەپ بەرۋ فورمالارىنىڭ 38ء-ى ەلەكتروندى فورماعا كوشكەنىن، ال قالعان 67ء-سى جىل سوڭىنا دەيىن كوشىرىلەتىنىن اتاپ ءوتتى.
«بارلىعى 35 ينديكاتوردىڭ 30-ى قازىرگى تاڭدا ورىندالدى، ونىڭ 5-دە تومەندەۋ بار بۇل بويىنشا ءبىز مينيسترلىكپەنەن جۇمىستار جۇرگىزۋدەمىز. ولاردىڭ ىشىندە قاتەرلى ىسىك، انا مەن بالانىڭ ءولىمى، جەدەل جاردەم جونىنەن تومەندەۋ ورىن العان بولاتىن بۇل جونىندە تۇزەتىلۋ جۇمىستارى اتقارىلۋدا. وبلىستا ءدارى دارىمەكپەن ەشقانداي ماسەلە جوق ول جونىنەن ءتيىستى قورلارىمىز جەتكىلىكتى»، - دەدى ب. ساپاربايەۆ.
سونداي-اق، كادرلارمەن قامتاماسىز ەتۋ جونىنەن ءقازىر اتالمىش وبلىستا 77 مامان جەتىسپەيدى. باتىس قازاقستان وڭىرلىك ۋنيۆەرسيتەتىمەنەن كەلىسىم شارت بويىنشا، وسى جىلى 66 مامان وبلىستا قىزمەت جولىن باستاعالى وتىر.
«دەنساۋلىق ساقتاۋ سالاسىن كومپيۋتەرمەن جابدىقتاۋ 90%-عا ورىندالىپ وتىر، قوسىمشا 280 ملن. تەڭگە كولەمىندە قارجى ءبولىندى، جىلدىڭ اياعىنا دەيىن مەديسينا سالاسى تولىقتاي كومپيۋتەرلەرمەن جابدىقتالاتىن بولادى»، – دەدى وبلىس اكىمى.
اۋرۋحانالارداعى كەزەكتەردىڭ ازايۋى، دارىگەرلەردىڭ قاعازباستىلىقتان ارىلىپ، ناۋقاستارعا كوپ كوڭىل ءبولۋى وڭىردە مەديسينانى سيفرلاندىرۋدىڭ ءبىرشاما وڭدى تۇستارى ەكەنىن وبلىس باسشىسى ايتىپ كەتتى.
ەستەرىڭىزگە سالا كەتەيىك، اقتوبە وبلىسىندا قازىرگى كەزدە شالعاي اۋىلدارعا ينتەرنەت جەلىسىن جەتكىزۋ جۇمىسى ءجۇرىپ جاتىر. ازىرگە اۋدان ورتالىعىنان الىستا ورنالاسقان دارىگەرلىك، فەلدشەرلىك امبۋلاتوريالاردا، مەديسينالىق پۋنكتتەردە ينتەرنەت جوق. وسى ولقىلىقتىڭ ورنىن تولتىرىپ، جىل سوڭىنا دەيىن وبلىستاعى بارلىق مەديسينالىق مەكەمەلەردى كومپيۋتەرمەن قامتاماسىز ەتىپ، ينتەرنەتكە قوسۋ جوسپارلانىپ وتىر.
بۇدان وزگە، اعىمداعى جىلى ءبىرىڭعاي وبلىستىق سيتۋاسيالىق ورتالىق قۇرۋ جوسپارلانعان. مۇندا مەديسينالىق مەكەمەلەردىڭ اۋرۋ-سىرقاۋ، تۋۋ جانە ت.ب. بويىنشا اقپاراتتى كۇندەلىكتى ءتۇسىپ وتىراتىن بولادى. اتالمىش جۇيەنى ەنگىزۋ قاعازسىز تەحنولوگيانى قامتاماسىز ەتۋگە، ەلەكتروندى دەنساۋلىق ءتولقۇجاتىن قۇرۋعا، ەمدەلۋشىنىڭ مارشرۋتىن وڭتايلاندىرۋعا مۇمكىندىك بەرەدى دەپ كۇتىلۋدە. بۇل تۇرعىندارعا كورسەتىلەتىن قىزمەتتەر ساپاسىن جاقسارتپاق.
ايتا كەتەلىك، «سيفرلىق قازاقستان» مەملەكەتتىك باعدارلاماسى اياسىندا «اقىلدى قالالاردىڭ» تيپتىك تۇجىرىمداماسى ۆيسە-پرەمەر مينيستر اسقار جۇماعالييەۆتىڭ باستاماسىمەن اقپارات جانە كوممۋنيكاسيالار مينيسترلىگى جانە «زەردە» ۇلتتىق ينفوكوممۋنيكاسيا حولدينگىمەن جۇزەگە اسىرىلۋدا.
پىكىر قالدىرۋ