13 تامىزدا «قازينۆەستبانك» اق سالىمشىلارىنا اگەنت بانك «بانك سەنتركرەديت» اق ارقىلى وتەمدى تولەۋدى اياقتايدى.

قازاقستاننىڭ دەپوزيتتەرگە كەپىلدىك بەرۋ قورى (قدكبق) «قازينۆەستبانك» اق سالىمشىلارىنا اگەنت بانك «بانك سەنتركرەديت» اق فيليالدىق جەلىسى بويىنشا كەپىلدىك بەرىلگەن وتەمدى تولەۋدى اياقتايدى. سالىمشىلار 13 تامىزعا دەيىن اگەنت بانككە تولەۋ تۋرالى ءوتىنىش بەرە الادى. كورسەتىلگەن ۋاقىتتان كەيىن «قازينۆەستبانك» اق سالىمشىلارى قدكبق تىكەلەي جولىعۋ قاجەت.

«بانك سەنتركرەديت» اق  «قازينۆەستبانك» اق اكتيۆتەرى مەن مىندەتتەمەلەرىن يەلەنۋشى بانك «الفا-بانك» ەب اق ءبىر مەزگىلدە بەرگەننەن كەيىن كليەنتتەردىڭ شوتتارىندا وڭ قالدىقتار قالىپتاسقان سومانى تولەۋ ءۇشىن اگەنت بانك بولىپ تاعايىندالىپ، جارتى جىل ىشىندە، 13 اقپاننان باستاپ فيليالدار جەلىلەرى ارقىلى جەكە تۇلعالاردىڭ وتىنىشتەرى قابىلداپ ءارى وڭدەدى، اگەنتتىك كەلىسىم نەگىزىندە قدكبق-نىڭ قاراجاتى ەسەبى مەن اتىنان كەپىلدىك بەرىلگەن وتەمدى تولەدى.

تولەم باستالعان كەزدەن «قازينۆەستبانك» اق-نىڭ 70 سالىمشىسىنا كەپىلدىك بەرىلگەن وتەمدى تولەۋ بويىنشا قدكبق مىندەتتەمەلەرىنىڭ جالپى سوماسى 2،07 ميلليون تەڭگەنى قۇرادى. ولاردىڭ ىشىندە 8 سالىمشىعا كەپىلدىك بەرىلگەن وتەمنىڭ جالپى سوماسى 1،81 ميلليون تەڭگە نەمەسە تولەۋگە جاتاتىن جالپى سومانىڭ 87،6%-ى وتەلدى. تالاپ ەتىلمەگەن سومانىڭ كولەمى 256 مىڭ تەڭگە.

13 تامىزدان كەيىن كەپىلدىك بەرىلگەن وتەمدى جەكە نەمەسە پوشتا ارقىلى تولەۋ بويىنشا ءوتىنىش بەرە الادى. سالىمشى جەكە ءوزى كەلگەندە بەلگىلەنگەن نىساندا وتەماقى تولەۋگە ءوتىنىش بەرىپ، جەكە باسىن كۋالاندىراتىن قۇجاتتىڭ ءتۇپنۇسقاسىن بەرۋ قاجەت. سالىمشىنىڭ وكىلى كەلگەن جاعدايدا – نوتاريالدى كۋالاندىرىلعان سەنىمحاتتىڭ ءتۇپنۇسقاسى بەرۋ قاجەت. پوشتا ارقىلى ءوتىنىش جاساعان كەزدە ءوتىنىش بەرۋشى ەڭ از قۇجاتتار پاكەتىن جىبەرۋى ءتيىس: بەلگىلەنگەن نىساندا وتەماقى تولەۋ تۋرالى نوتاريالدى كۋالاندىرىلعان ءوتىنىش، جەكە باسىن كۋالاندىراتىن قۇجاتتىڭ نوتاريالدى كۋالاندىرىلعان كوشىرمەسى.

كەپىلدىك بەرىلگەن وتەمدى تولەۋ تۋرالى ءوتىنىش بلانكىسى قدكبق www.kdif.kz ينتەرنەت-رەسۋرسىندا قولجەتىمدى. قدكبق ماماندارىنان اقىل-كەڭەستى 8 8000 80 10 20 (قوڭىراۋ شالۋ تەگىن)؛ +7 (727) 312 24 40، +7 (727) 312 24 41 (الماتى ق.) تەلەفون نومىرلەرى ارقىلى الۋعا بولادى. قدكبق ماماندارى سونداي-اق تەلەگرام مەسسەندجەرىندە اقىل-كەڭەس بەرە الادى: 27 ماۋسىمنان «KDIF | سۇراقتار مەن جاۋاپتار» چاتى قولدانىستا. جەكە جانە پوشتالىق جۇگىنۋ مىنا مەكەن-جاي بويىنشا قابىلدانادى: قازاقستان رەسپۋبليكاسى، الماتى ق.، 050051، دوستىق داڭع. 136 («پيونەر-3» بو)، 8 قابات.

«قازينۆەستبانك» اق اكتيۆتەرى مەن مىندەتتەمەلەرىن يەلەنۋشى بانك «الفا-بانك» ەب اق بەرگەن كۇننەن باستاپ شوتتارىندا وڭ قالدىعى قالىپتاسقان جەكە تۇلعالار مەن جەكە كاسىپكەرلەر وتەمدى الۋعا قۇقىعى بار. تولەمنىڭ ەڭ جوعارى سوماسى:

• ۇلتتىق ۆاليۋتاداعى دەپوزيتتەر بويىنشا – 10 ميلليون تەڭگەگە دەيىن،
• شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگەگە دەيىن.

2016 جىلى 26 جەلتوقساندا «قازينۆەستبانك» اق بانكتىك جانە وزگە وپەراسيالاردى جۇرگىزۋگە ارنالعان ليسەنزياسىنان ايرىلدى. «قازينۆەستبانك» اق ۋاقىتشا اكىمشىلىگىمەن جانە «الفا- بانك» ەب اق اراسىنداعى 2017 جىلدىڭ 19 مامىرداعى شارتىنا سايكەس پورتفەل مىندەتتەمەلەرى، سونىڭ ىشىندە جەكە جانە زاڭدى تۇلعالاردىڭ دەپوزيتتەرى، «بجزق» اق اكتيۆتەرى «الفا-بانك» ەب اق بەرىلدى. 2018 جىلدىڭ 24 قاڭتارىندا «قازينۆەستبانك» اق قىزمەتىن ماجبۇرلەپ توقتاتۋ (تاراتۋ) تۋرالى الماتى قالاسى مامانداندىرىلعان اۋدانارالىق ەكونوميكالىق سوتىنىڭ شەشىمى زاڭدى كۇشىنە ەندى. زاڭناماعا سايكەس كورسەتىلگەن كۇننەن باستاپ 14 جۇمىس كۇنى ىشىندە – 2018 جىلدىڭ 13 اقپانىندا – قدكبق «قازينۆەستبانك» اق اكتيۆتەرى مەن مىندەتتەمەلەرى «الفا-بانك» ەب اق وتكەن كۇننەن باستاپ قالىپتاسقان اقشا قالدىقتارىن «قازينۆەستبانك» اق جەكە تۇلعالار مەن جەكە كاسىپكەرلەرى الدىنداعى مىندەتتەمەلەرى بويىنشا تولەمىن باستايدى. كونكۋرستىڭ قورىتىندىسى بويىنشا «قدكبق» اق ديرەكتورلار كەڭەسىنىڭ 2018 جىلعى 7 اقپانداعى شەشىمىمەن «بانك سەنتركرەديت» اق تولەۋ بويىنشا اگەنت بانك بولىپ تاعايىندالدى.

 «قازاقستاننىڭ دەپوزيتتەرگە كەپىلدىك بەرۋ قورى» اق (قدكبق) – قازاقستان رەسپۋبليكاسى ۇلتتىق بانكىنىڭ 1999 جىلى ەكىنشى دەڭگەيدەگى بانكتەردىڭ سالىمشىلارىنىڭ قۇقىقتارىن جانە زاڭدى مۇددەلەرىن قورعاۋ ءۇشىن قۇرىلعان ۇيىمى.

بانك ماجبۇرلەپ تاراتىلعان جاعدايدا قدكبق دەپوزيتتەرگە مىندەتتى كەپىلدىك بەرۋ جۇيەسىنە قاتىسۋشى بانكتەردەگى جەكە تۇلعالاردىڭ بارلىق بانك شوتتارىنداعى اقشا قاراجاتتارىنا (سونىڭ ىشىندە – بارلىق سالىمدار تۇرىنە، تولەم كارتالارى مەن اعىمداعى شوتتارداعى اقشاعا) كەپىلدىك بەرەدى. قازىرگى ۋاقىتتا دەپوزيتتەرگە كەپىلدىك بەرۋ جۇيەسىنە 30 بانك كىرەدى.

كەپىلدىك جەكە تۇلعا مەن جەكە كاسىپكەردىڭ بارلىق سالىمدارىنا تارالادى. كەپىلدىكتىڭ ەڭ جوعارى سوماسى ءبىر سالىمشىعا ءبىر بانك ءۇشىن ۇلتتىق ۆاليۋتاداعى دەپوزيتتەر بويىنشا 10 ميلليون تەڭگەنى قۇراسا، شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگەنى قۇرايدى (بانكتى ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇنگى بالامادا).
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۆاليۋتالىق رەتتەۋ جانە ۆاليۋتالىق باقىلاۋ، قارجى ۇيىمدارىنىڭ قىزمەتىن تاۋەكەلگە باعدارلانعان قاداعالاۋ، قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە قازاقستان رەسپۋبليكاسى ۇلتتىق بانكىنىڭ قىزمەتىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2018 جىلى 16 شىلدەدە كۇشىنە ەنگەن قازاقستان رەسپۋبليكاسىنىڭ زاڭىنا سايكەس، ۇلتتىق ۆاليۋتاداعى جيناق سالىمدار بويىنشا كەپىلدىك 15 ميلليون تەڭگەنى قۇرايدى.