جاراتقاننىڭ شەبەرلىگىندە شەك جوق! قايدا قاراساڭدا كوكىرەك كوزى اشىق جان ءۇشىن اللاھ تاعالا ءوزىنىڭ بەلگىلەرىن كورسەتىپ قويعان. وعان مىسالدار جەتەرلىك! تاۋلار، جان-جانۋارلار، ءتىپتى ادامنىڭ وزىندە قانشا ما بەلگى بار! ايتايىن دەگەنىم سوڭعى كەزدەرى جيىلەپ كەتكەن «اللاھ» جازۋى بار قوزىلار، كوك-ونىستەر تاعى باسقا جاندى-جانسىز زاتتار! وسىناۋ قۇبىلىستار نەنىڭ بەلگىسى ەكەن دەگەن ويعا قالاسىڭ!؟ سونداي وقيعانىڭ ءبىرى ءبىزدىڭ اۋىلدا دا بولدى. وڭتۇستىك قازاقستان وبىلىسى، ورداباسى اۋدانىنىڭ ورتالىعى تەمىرلان اۋىلىنداعى ارىسپان اقساقالدىڭ اۋلاسىنداعى ەرەكشە تاستى تاۋىپ العان نەمەرەسى اتاسىنا كورسەتەدىبەس ۋاقىت نامازى تۇگەل اقساقال، تاستىڭ جاي ەمەس ەكەنىن ءتۇسىنىپ، اۋىل يمامدارىنا كورسەتەدى. تاسقا قاشالعانداي «اللاھ» جازۋ انىق كورىنىپ تۇر. مەشىت جاماعاتى بۇل تاس تۋرالى ءتۇرلى پىكىرلەرىن ءبىلدىرىپ، ىلايىم جاقسىلىق بولعاي دەپ تاراستى. Baq.kz