اقتوبە وبلىسىنىڭ بيلىگى ورتتەن زارداپ شەككەن قوس-ەستەك اۋىلىنىڭ تۇرعىندارىنا كومەك كورسەتۋدە.

جاقىندا اقتوبە وبلىسىنىڭ قارعالى اۋدانىنا قاراستى قوس-ەستەك اۋىلىندا جەكە شارۋاشىلىقتارعا قاراستى ءشوپتىڭ جانۋىنا بايلانىستى جەتى ءورت جاعدايى تىركەلگەن بولاتىن.

بارلىق فاكتىلەر بويىنشا قىلمىستىق ىستەر قوزعالدى سونداي-اق، ولاردى تەرگەۋمەن ارنايى تەرگەۋ توبى اينالىسادى. ايتا كەتەيىك، توپ قۇرامىنا اقتوبە وبلىسىنىڭ پروكۋراتۋرا جانە پوليسيا دەپارتامەنتىنىڭ قىزمەتكەرلەرى كىردى.

زارداپ شەككەندەرگە ناقتى كومەك كورسەتۋ ءۇشىن جانە كەلتىرىلگەن زالالدى باعالاۋ ماقساتىندا قۇرامىنا اۋداندىق ءماسليحاتتىڭ، "نۇر وتان" پارتياسى فيليالىنىڭ، سونداي-اق جەرگىلىكتى بيلىك وكىلدەرى كىرەتىن كوميسسيا قۇرىلدى. كوميسسيا قۇرامى ورتتەن زارداپ شەككەندەرمەن كەزدەسىپ، ءار وتباسىعا كومەك رەتىندە 100 مىڭ تەڭگەدەن تابىس ەتتى. سونىمەن قاتار، زارداپ شەككەن وتباسىلار دەمەۋشىلىك قاراجات ەسەبىنەن تولىقتاي جەم-شوپپەن قامتاماسىز ەتىلەدى. قازىرگى ۋاقىتتا اۋىلدا 50 پوليسيا قىزمەتكەرى مەن تج ءبولىمى جانە جەرگىلىكتى تۇرعىنداردىڭ كۇشىمەن تاۋلىك بويىنا كەزەكشىلىك ۇيىمداستىرىلىپ وتىر. بۇگىنگى كۇنى قوس-ەستەك اۋىلدىق وكرۋگىندەگى جاعداي تۇراقتى. ورتكە قاتىستى ماسەلە وبلىس باسشىلىعىنىڭ باقىلاۋىنا الىندى. سونىمەن قاتار، جەرگىلىكتى اتقارۋشى ورگاندار مەن پوليسيا قىزمەتكەرلەرى قىلمىستى اشۋعا باعىتتالعان شارالار كەشەنىن جۇرگىزۋدە.