وبلىس اكىمدىگىندە «اسكا ەكسپو ورتالىعى» قىزمەتكەرلەرىنىڭ ەڭبەك اقىسىن تولەۋ ماسەلەسىنىڭ قالاي شەشىلىپ جاتقاندىعى باياندالدى.
وبلىس اكىمىنىڭ ورىنباسارى قايرات بەكەنوۆتىڭ باستاماشى توپ وكىلدەرىمەن وتكەن كەزدەسۋدە "اسكا ەكسپو ورتالىعى" ءجشس-نىڭ قىزمەتكەرلەرى الدىنداعى جالاقى بويىنشا بەرەشەگىنە قاتىستى ماسەلە قارالدى. قايرات بەكەنوۆ باستاماشى توپ مۇشەلەرىن تىڭداپ، وسى جاعدايعا بايلانىستى وبلىس اكىمى بەردىبەك ساپاربايەۆتىڭ تاپسىرماسىمەن جۇمىس توبى قۇرىلعانىن حابارلادى. - ءبىز وسى ماسەلەنى شەشۋ جولدارىن تالقىلاۋىمىز كەرەك. مەن ج ش س – ءتىڭ باسشىلىعىمەن سويلەستىم. بۇل 2017 جىلدىڭ سوڭىنان باستاپ مۇناي كومپانيالارىنداعى ۇڭعىمالاردى جوندەۋ بويىنشا سەرۆيستىك قىزمەت كورسەتەتىن، ءوز ءىسىن ەندى باستاپ كەلە جاتقان كاسىپكەر. فيرمانىڭ جاڭادان قۇرىلعانىن جانە كاسىبي باسقارۋدىڭ جوقتىعىن اتاپ وتكىم كەلەدى. ءبىرقاتار سەبەپتەرگە بايلانىستى كومپانيا تاپسىرىس بەرۋشىلەر الدىنداعى مىندەتتەمەلەردى ورىنداي المادى، تاعى دا بىرنەشە ماسەلەلەر بار. ج ش س جاڭادان قۇرىلعاندىعىن ەسكەرسەك، بۇل جاعدايعا فيرمانى پايدا بولعان قارىز ءۇشىن جاۋاپكەرشىلىككە تارتۋ تۇرعىسىنان عانا قاراماي، مۇمكىندىگىنشە «اسكا ەكسپو ورتالىعىنىڭ» قىزمەتىنە بارىنشا قولداۋ كورسەتۋىمىز كەرەك. بۇل ءۇشىن ءىس – ارەكەت الگوريتمى ازىرلەندى، ءبىز فيرماعا ەڭبەكاقى بويىنشا قارىزدارىن تولەۋگە كومەكتەسۋ ءۇشىن قولداعى بارلىق رەزەرۆتەردى پايدالانامىز - دەدى وبلىس اكىمىنىڭ ورىنباسارى كەزدەسۋ بارىسىندا. قايرات بەكەنوۆ جشس-كە قاتىستى سۇراقتى وبلىس اكىمىنىڭ ءوزى تىكەلەي باقىلاۋعا العاندىعىن، سونداي-اق بۇل ماسەلەنىڭ جاقىن ارادا شەشىلەتىندىگىن ايتىپ ءوتتى. ءوز كەزەگىندە كومپانيا قىزمەتكەرلەرى وزدەرىنە وسى جاعدايدى ءتۇسىندىرىپ، ۇسىنىس-شاعىمدارىن ايتۋعا الاڭ بەرگەندەرى ءۇشىن العىستارىن ءبىلدىردى. وبلىس اكىمى ورىنباسارىنىڭ وسى ماسەلەنى تۇپكىلىكتى شەشۋگە دەيىنگى اشىق ديالوگ جۇرگىزۋ تۋرالى باستاماسى قولداۋ تاپتى.
