اقتوبە وبلىسى وڭتۇستىك كورەيانىڭ الدىڭعى كلينيكالارىمەن ارىپتەستىكتى ارتتىرۋدا.
اقتوبە وبلىسىنىڭ اكىمى بەردىبەك ساپاربايەۆ وڭتۇستىك كورەياعا جۇمىس ساپارى بارىسىندا سەۋل ۇلتتىق ۋنيۆەرسيتەتىنىڭ گوسپيتالىنە باردى.
جەتىلدىرىلگەن مەديسينالىق مەكەمەنىڭ پرەزيدەنتى چان سوك سو ايماق باسشىسىن دەنساۋلىق ساقتاۋ سالاسىنداعى جاڭا تەحنولوگيالارمەن، عىلىمي-زەرتتەۋ زەرتحاناسىنىڭ، ونكولوگيالىق ورتالىقتىڭ جانە راديولوگيا ءبولىمىنىڭ جۇمىسىمەن تانىستىردى. وسى جەردە بەردىبەك ساپاربايەۆ پەن قازاقستان رەسپۋبليكاسىنىڭ كورەيا رەسپۋبليكاسىنداعى ەلشىسى باقىت دۇيسەنبايەۆتىڭ كەزدەسۋى ءوتتى.
تاراپتار بۇرىن قول قويىلعان ىنتىماقتاستىق تۋرالى كەلىسىمدەر اياسىندا ودان ءارى ىنتىماقتاستىقتىڭ پەرسپەكتيۆالارىن تالقىلادى.
اقتوبەدەگى كەشەندى دياگنوستيكالىق Check-up ورتالىعىنىڭ قۇرىلىس جۇمىستارى بارىسىنا ەرەكشە نازار اۋدارىلدى. 5 ميلليارد تەڭگە تۇراتىن جوبا سەۋل ۇلتتىق ۋنيۆەرسيتەتىمەن مەملەكەتتىك-جەكەمەنشىك سەرىكتەستىك اياسىندا جۇزەگە اسىرىلۋدا. مەديسينالىق ورتالىقتىڭ بىرەگەيلىگى – ءاربىر ادام بارلىعى 4 ساعاتتا تولىق تەكسەرۋدەن ءوتىپ، ءوز دەنساۋلىعى تۋرالى بارلىق اقپاراتتى تابا الادى.
بەردىبەك ساپاربايەۆ قازىرگى كەزدەگى قۇرىلىس كەزەڭىندە Check-up ورتالىعى ءۇشىن مامانداردى دايارلاۋعا ەرەكشە نازار اۋدارۋ كەرەك ەكەندىگىن اتاپ ءوتتى.
- ءبىز وڭتۇستىك كورەيادا دا، اقتوبەدە دە ءبىزدىڭ ارىپتەستەرىمىزدى اقتوبەگە ەڭ ۇزدىك ماماندارىمىزدى جىبەرىپ سول جەردە وقىتامىز. بۇل ماسەلە ءسىزدىڭ ايماعىڭىزدىڭ دەنساۋلىق ساقتاۋ بولىمىمەن تولىقتاي جاسالاتىن بولادى، - دەدى گوسپيتالدىڭ ۆيسە-پرەزيدەنتى پروفەسسور كۆانگ ۆۋنگ لي.
جۇمىس ساپارىنىڭ بارىسىندا وبلىس اكىمى وڭتۇستىك كورەيانىڭ «ەنسە» ۋنيۆەرسيتەتىنىڭ «سيەۆەرانس» گوسپيتالىنىڭ باس ديرەكتورى لي ءبون سوكپەن كەزدەسىپ، ىنتىماقتاستىقتىڭ ودان ءارى نىعايۋىن تالقىلادى.
ايتا كەتەيىك، بيىلعى جىلدىڭ باسىندا لي ءبون سوك جانە ونىڭ باسقارۋىنداعى گوسپيتالدىڭ ۇجىمى اقتوبە وبلىسىنىڭ «باقىتتى بالا» جوباسىنا بەلسەندى قاتىسىپ، مۇقتاج بالالارعا كەڭەستەر مەن جوعارى بىلىكتى مەديسينالىق كومەك كورسەتتى. سونىمەن، وڭتۇستىك كورەيادا كۇردەلى پاتولوگيالارى بار ءۇش اقتوبەلىك بالا تەگىن ەمدەلدى.
