اقتوبە وبلىسىنىڭ كاسىپكەرلەر پالاتاسى الاڭىندا سيممەنتال ءىرى قارا تۇقىمىنىڭ رەسپۋبليكالىق پالاتاسىنىڭ تانىستىرىلىمى ءوتتى.
قوستاناي وبلىسىنان كەلگەن ارىپتەستەر اقتوبە فەرمەرلەرىنە جاڭا قاۋىمداستىقتىڭ ماقساتتارى مەن مىندەتتەرى تۋرالى ايتىپ بەردى. ءدال وسى جەردە پالاتانىڭ باس كەڭسەسى ورنالاساتىن بولادى.
تانىستىرىلىم بارىسىندا سيممەنتال ءىرى قارا تۇقىمىنىڭ رەسپۋبليكالىق پالاتاسىنىڭ قۇرامىنا قوستانايلىق كاسىپكەرلەر، عالىمدار، سونىمەن قاتار مال دارىگەرلەرى كىرگەنى بەلگىلى بولدى. پالاتا كەڭەسىنىڭ ءتوراعالىعىنا قوستانايلىق «باتالينسكوە» ج ش س جەتەكشىسى جانسارت احمەتوۆ تاعايىندالدى، ديرەكتورى بولىپ «اگروگەنەتيكس» ج ش س جەتەكشىسى مارك گۋمەروۆ سايلاندى. باستاماشى توپتىڭ وكىلدەرى قازىرگى تاڭدا باسقا وڭىردەگى شارۋاشىلىقتاردى ارالاۋدا.
* مۇنداي پالاتا رەسپۋبليكا بويىنشا بولعان جوق. پالاتانى قۇرۋ، ءبىرىنشى كەزەكتە اتالعان ءىرى قارا تۇقىمىن دامىتۋمەن، مەملەكەتتىك قولداۋ شارالارى اياسىندا جەتىلدىرۋمەن بايلانىستى. بۇگىندە رەسپۋبليكالىق رەگيستر دەرەكتەرى بويىنشا قازاقستاندا 57 باس سيممەنتال ءىرى قارا بار. اقتوبە وبلىسىنداعى شارۋا قوجالىقتارىمەن جەكە شارۋاشىلىقتاردى 7 مىڭ باس بار. قوستاناي مەن اقتوبە وڭىرلەرى سيممەنتالدىڭ ەتتى باعىتىن جۇرگىزىپ وتىر. ءقازىر، وكىنىشكە قاراي وعان قاجەتتى كوڭىل بولىنبەي كەلەدى. ازىرگە ەكى ءوڭىردىڭ شارۋالارىن بىرىكتىرۋگە بەل بۇدىق، – دەدى سيممەنتال ءىرى قارا تۇقىمىنىڭ رەسپۋبليكالىق پالاتاسىنىڭ ديرەكتورى مارك گۋمەروۆ.
«الۋا» جانە «جاڭا تۇرمىس» اكتوبەلىك شارۋاشىلىقتاردىڭ باسشىلىعى تانىستىرىلىم بارىسىندا جاڭا بىرلەستىكتى قولداپ، ونىڭ قۇرامىنا كىرۋگە ىنتا ءبىلدىردى.
* بىزدە تۇيتكىلدى ماسەلەلەر كوپ، ولاردى بىرىگىپ شەشپەسە بولماس. ءبىرىنشى كەزەكتە، بۇل سۋبسيديالاۋ ماسەلەسى، ويتكەنى سيممەنتال ءىرى قاراسى سۋبسيديالاۋعا جاتپايدى. قازىرگى تاڭدا تۇقىم ءوندىرۋشى بۇقالارعا عانا سۋبسيديا قاراستىرعان، ءبىراق ونىڭ دا شارتتارى بار. ەكىنشىدەن، يمپورتتى الماستىرۋ ماسەلەسى، بۇل باعىتتا سيممەنتال تۇقىمى بويىنشا اسىل تۇقىمدى –سەلەكسيالىق جۇمىستى جولعا قويعان ءجون. شارۋاشىلىعىمىزدا «ىرىس» باعدارلاماسى ارقىلى العان 100 باس سيممەنتال ءىرى قاراسى بار. بۇل مال تۇقىمى ءوڭىرىمىزدىڭ كليماتتىق جاعدايىنا بەيىمدەلگەن. مالعا دۇرىس كۇتىم جاسالسا ەتتى-سۇتتى باعىتتا جاقسى ناتيجە الۋعا بولادى. قۇرىلاتىن پالاتا ارقىلى جۇمىسىمىزدى وڭتايلاندىرامىز دەگەن ويدامىز. ءارى سايكەستىك قۇجاتتارىن تولەۋدە جەڭىلدىك بولادى دەگەن ۇمىتتەمىز، – دەدى «جاڭا تۇرمىس» شارۋا قوجالىعىنىڭ باسشىسى مارات كۋبييەۆ.
اقتوبە وبلىسى وكپ ساراپشىلارى دا جاڭا قۇرىلىمعا قولداۋ كورسەتۋگە دايىن ەكەندەرىن ءبىلدىردى.
باستاماشى توپ وكىلدەرىنىڭ ايتۋىنشا، پالاتانى قۇرۋ ق ر «اسىل تۇقىمدى مال شارۋاشىلىعى تۋرالى» زاڭىنا سايكەس جۇزەگە اسىرىلۋدا، زاڭدا ءار اسىل تۇقىمدى ءىرى قارا مال بويىنشا رەسپۋبليكالىق پالاتا قۇرىلىپ، جۇمىس ىستەي الادى دەلىنگەن.
