جۋرناليست ءمادي ماناتبەك «وتانداستار» اق ۆيسە-پرەزيدەنتى بولىپ تاعايىندالدى. بۇل تۋرالى زاڭگەر ابزال قۇسپان Facebook-تەگى جەكە پاراقشاسىندا جازدى.

«دوسىمىز ءمادي ماناتبەكتى "وتانداستار" اق ۆيسە-پرەزيدەنتى قىزمەتىنە تاعايىندالۋىمەن "قىزۋ" قۇتتىقتايمىن! ورالمان باۋىرلاردىڭ ماسەلەسىن شەشۋدە شەشۋشى ءرول اتقارۋعا قاۋقارلى بۇل مەكەمەدە "ءوز ادامىمىز" بولعانى ءبىز ءۇشىن وتە ماڭىزدى! قۇتتىقتايمىز!»، - دەپ جازدى زاڭگەر پاراقشاسىندا.

ءمادي ماناتبەك 1978 جىلى 25 مامىردا دۇنيەگە كەلگەن. 2006 جىلى كوكشەتاۋ ۋنيۆەرسيتەتىندە زاڭگەر ماماندىعىن مەڭگەرگەن. ەڭبەك جولىن 1998 جىلى رەسپۋبليكالىق «نارتاۋەكەل» گازەتىندە تىلشىلىك قىزمەتتەن باستاعان. ەڭبەك جولى 1999 جىلى قالالىق «شىمكەنت كەلبەتى» گازەتىندە جالعاستى. 2000 جىلدان باستاپ «وتىرار» تەلەارناسىندا جاڭالىقتار جۇرگىزۋشىسى، تاڭعى «نۇرلى اراي»، سپورتتىق «توپجارعان»، قىلمىستىق «ەكسترەننىي ۆىزوۆ» باعدارلامالارىنىڭ اۆتورى ءارى جۇرگىزۋشىسى بولدى.

2001-2006 جىلدارى «استانا» تەلەارناسىندا جاڭالىقتار جۇرگىزۋشىسى، اپتالىق اقپاراتتىق-ساراپتامالىق «ءۇش شيرەك»، «اشىق اڭگىمە»، سپورتتىق «توپجارعان»، قىلمىستىق «وقيعا ىزىمەن» باعدارلامالارىنىڭ اۆتورى ءارى جۇرگىزۋشىسى جانە باعدارلامالار ءوندىرىسى قىزمەتىنىڭ جەتەكشىسى بولدى.

2006 جىلى «31 ارنا» استانا قوسىنىنىڭ ءتىلشىسى، 2007 جىلى «MARMILAT» جارناما اگەنتتىگىنىڭ ديرەكتورى. 2008 جىلى «حابار» اگەنتتىگى» اق جاڭالىقتار قىزمەتىنىڭ جۇرگىزۋشىسى. 2010-2013 جىل ارالىعىندا «قازاقستان» رترك» اق اپتالىق اقپاراتتىق-ساراپتامالىق «اptا.kz» باعدارلاماسىنىڭ جۇرگىزۋشىسى؛ قوعامدىق-ساياسي باعدارلامالار ءبولىمىنىڭ جەتەكشىسى، «قازاقستان» رترك» اق باسقارما ءتوراعاسىنىڭ ورىنباسارى قىزمەتتەرىن اتقاردى.

2013 -2017 جىلدارى «BAQORDA media group» ج ش س باس ديرەكتورى.

2017 جىلدىڭ اقپانىنان 2018 جىلدىڭ قىركۇيەگىنە دەيىن «رەسپۋبليكالىق راديو» ج ش س باس ديرەكتورى بولدى.