مەن قازاقستان ازاماتى رەتىندە قازاق ەلىنىڭ ازاتتىعى كۇنى قارساڭىندا وسى ۇلى كۇنمەن قۇتتىقتاي وتىرىپ، جەكە ازاتتىعىما قول سۇعاتىن تەلەفونداردى تىركەۋ شاراسىنا قارسىلىعىمدى بىلدىرەمىن. تەلەفوننىڭ IMEI كودىنا جسن (يين) مەن ابونەنت ءنومىرىن قوساقتاۋ ادامنىڭ نەگىزگى بوستاندىقتارى مەن كونستيتۋسيالىق قۇقىقتارىنا زور ءقاۋىپ توندىرەدى.

سەبەبى، ول كونستيتۋسيانىڭ 18، 20، 21-باپتارىندا باياندالعان مەنىڭ:

-جەكە ءومىرىمنىڭ قول سۇعىلماۋشىلىعىنا؛
-جەكە جانە وتباسى قۇپياسىنىڭ بولۋى قۇقىعىنا؛
- حاتى جازىسۋ، تەلەفونمەن سويلەسۋ، پوچتا، تەلەگراف جانە باسقا حابارلار قۇپياسىنا دەگەن قۇقىعىما؛
- ەركىن ءجۇرىپ-تۇرۋ قۇقىعىما؛
- الەۋمەتتىك جەلىلەردە سمارفون ارقىلى جۇزەگە اساتىن ءسوز بوستاندىعىما نۇقسان كەلتىرەدى.
وسى ارقىلى ءشۇباسىز توتاليتاريزمگە قايتا ورالامىز.

مەنىڭ قۇپياما مەملەكەتتىڭ قول سۇققانىن قالامايمىن جانە كونستيتۋسيانىڭ 1-بابىنداعى دەموكراتيالىق، قۇقىقتىق مەملەكەتتە ءومىر سۇرگىم كەلەدى. 
سوندىقتان، زاڭنىڭ وسى تارماعى الىنىپ تاستالسىن.
/ۇرلىق تەلەفوندى تەك IMEI-مەن دە تابۋعا بولادى/

الماس جۇماعالي،

زاڭگەر