عالام قىتايدان سەسكەنەدى. جىل سايىن «جۇڭگو ءقاۋپى» دەگەن ماسەلە بارشا ادامزاتتى الاڭداتىپ وتىر. ءتىپتى بۇل جاعداي مۇحيتتىڭ ار جاعىنداعى امەريكانى دا مازالاي باستادى. دەسەك تە، الەمدىك ساراپشىلاردىڭ باعالاۋىنشا، قىتايدىڭ يادرولىق ارسەنالى ونشا كوپ ەمەس. ازياداعى ەڭ قۋاتتى مەملەكەت سانالاتىن قىتايدا 300 –دەي يادرولىق وقتۇمسىق بار. ال اقش پەن رەسەيدە مۇنداي وقتۇمسىقتاردىڭ سانى شامامەن العاندا 7 مىڭداي.  ءبىراق امەريكالىق اسكەري مامانداردىڭ ەسەبىنشە، قىتايدىڭ بىرنەشە سۋاستى بومباسىنىڭ ءوزى اقش-قا وراسان زور شىعىن اكەلەدى. ونىڭ ۇستىنە ولار شامالى ۋاقىت بۇرىن جاڭادان جاڭادان راكەتالىق وقتۇمسىقتى سىناقتان وتكىزدى. جاڭا قارۋ اقش-تىڭ تەرريتورياسىنا ەمىن-ەركىن جەتەدى. امەريكا اسكەريلەرىنىڭ دە الاڭداپ وتىرعانى وسى. اتالعان JL-3 يادرولىق وقتۇمسىعى سارى تەڭىزدە سىناقتان وتكىزىلدى جانە ول 9 مىڭ شاقىرىم قاشىقتىققا ۇشىپ بارا الادى.  ارينە بۇل امەريكالىق جانە رەسەيلىك راكەتالارعا قاراعاندا السىزدەۋ. ازىرگە قىتايدىڭ سۋاستى فلوتى تۋرالى اقپارات از. پەنتاگوننىڭ حابارلاۋىنا قاراعاندا، ولاردىڭ Jin تيپتەگى ءتورت سۋاستى قايىعى بار. 2020 جىلدان كەيىن جۇڭگو تەڭىز اسكەري كۇشىن كۇشەيتۋدى كوزدەپ وتىر. دەمەك، الداعى ۋاقىتتا اقش-پەن باسەكەلەس كۇشەيە تۇسەدى. بۇعان نەگىز دە بار. الداعى ۋاقىتتا جۇڭگو امەريكالىق وقتۇمسىقتارمەن باسەكەلەسە الاتىن JL-3 تيپىندەگى 12 مىڭ شاقىرىمدىق يادرولىق وقتۇمسىقتاردى وندىرىستەن شىعارۋدى جوسپارلاپ وتىرعان كورىنەدى. ال قىتايدىڭ قازىرگى قولدانىستاعى JL-2  تيپىندەگى يادرولىق وقتۇمسىقتارى 7400-8000 شاقىرىمعا جەتەدى. مۇنىڭ ءوزى ەۋروپانىڭ ءبىرقاتار بولىگىن، اقش-تىڭ ۇلكەن اۋماعىن، ءۇندىستان مەن رەسەيدىڭ بارلىق اۋداندارىن جويىپ جىبەرە الاتىنىن ايتا كەتۋ كەرەك.