1997 جىلى الەمدىك ەكراندى جاۋلاعان «تيتانيك» ءفيلمى 11 مارتە «وسكار» الدى. بۇگىنگى كۇنگە دەيىن ەڭ ۇزدىك فيلمدەردىڭ قاتارىندا تانىلىپ كەلەدى. سونىمەن قاتار جاس اكتەر لەوناردو دي كاپريونى ەكرانعا شىعاردى. كۇنى كەشە بىرەۋلەر جاقسى كورىپ، ەندى ءبىرى جەك كورگەن جاس اكتەر بۇگىندە الەمگە تانىمال. ال ميللياردتاعان ادامنىڭ جۇرەگىن جاۋلاعان تيتانيك ءفيلمىن قالاي تۇسىرگەنى سىزگە قىزىق پا؟ "ءفيلمنىڭ قۇپيالارى جايلى وقىرمان بىلە ءجۇرسىن" دەگەن نيەتپەن Qamshy.kz اقپارات اگەنتتىگى تومەندەگى سۋرەتتەرمەن بولىسەدى.

«الەمدەگى ەڭ ۇلكەن كورابل»

 «تيتانيك» ءفيلمىن ەشقانداي كومپيۋتەردىڭ كومەگىنسىز تۇسىرگەن. بۇل سۋعا باتقان ناعىز «كورابل» ەدى. الايدا ول كورابلدەردىڭ كولەمى ايتارلىقتاي ۇلكەن ەمەس.

كاسكادەرلەر ىسكە كىرىسكەن ءسات

ءفيلمنىڭ تۇسىرىلىمىندەگى ەڭ قيىن ءسات كەمەنىڭ اۋدارىلعان ءساتى. كەي جەرلەردە ادامداردىڭ ورنىنا مانەكەندەر وينادى، الايدا كاسكادەرلەر دە بولدى. ءتىپتى ەڭ مىقتى كاسكادەر ءۇشىن دە ءدال وسى ساحنا قيىنعا سوقتى دەگەنمەن قيىندىققا قاراماستان ناتيجەسى وڭتايلى بولعان سىڭايلى.

شارشاپ قالعان اكتەرلەر

كەز كەلگەن كينو ءتۇسىرىلىم اكتەرلەردى ابدەن شارشاتاتىنى بەلگىلى. 5-6 سەكۋند دەمالىپ السا بولدى، اكتەرلەر كەز كەلگەن جەرگە وتىرا كەتەدى.

ولار سىزگە شىن عاشىقتارداي كورىندى مە، ال رەجيسسەر شە؟..

كەمەرون دا ەكراننان ءجيى كورىنىپ تۇراتىن. سەبەبى اكتەرلەردىڭ ءار قيمىلى ونىڭ قاتاڭ باقىلاۋىندا ەدى.

دراما دەپ وسىنى ايت!

فيلمدەگى ءدال وسى ساتتە بارشا كورەرمەننىڭ كوزىنە جاس كەلگەن بولار. دجەك قۇلاپ بارا جاتقان سۇيىكتىسى روزانى وزىنە قاراي تارتۋعا تىرىسىپ جاتىر. الايدا شىن مانىسىندە جاعداي سۋرەتتەگىدەي ەدى. روزانىڭ اياعى جەرگە تيەر-تيمەستەي بولىپ تۇر، قۇلاپ قالعان جاعدايدا ۇستاپ الاتىن كومەكشىسى دە بار.

جوعارى تاپ وكىلدەرى؟! جو-جوق ەستىمەدىم...

فيلمدە بايدىڭ قىزىنىڭ ءرولىن ويناعان اكتريسا كەيت ۋينسلەت روزانىڭ رولىنە ءدال تاڭدالعان. ومىردە كوڭىلدى، اشىق جارقىن ارۋ.

جۇرەكتەردى تولقىتقان ءسات

كينو ەكرانعا شىققان ساتتەن باستاپ عاشىقتاردىڭ كەمەدەگى سۇيىكتى ورنىنا  اينالعان مىنا تۇرىستىڭ شىنايى ەمەستىگى سۋرەتتەن بايقالادى. رەجيسسەر كەمەرون اكتەرلەردىڭ ءار قيمىلىن ءوزى باقىلاپ تۇردى.

تىزەدەن كەلەتىن «تەڭىز»

تەڭىزدىڭ تەرەڭ ەمەس ەكەنىن بايقاپ تۇرسىز با؟ ەڭ سوڭعى سەنا، دجەك پەن روزا بىر-بىرىمەن قوشتاسىپ جاتقان ءسات ەسىڭىزدە مە؟ ال جانىندا ءجۇزىپ جۇرگەن ادامدار شە؟ جوق، ولار ءجۇزىپ جۇرگەن جوق، دۇرىسى، سۋدى اياقتارىمەن كەشىپ جۇرگەندەر...

اكتەردىڭ «جاۋراعان» بەينەسى

سۋىق سۋ مەن ىستىق سۋ

كامەەرون ەكراندا ءبارى شىنايى كورىنۋ ءۇشىن اكتەرلەردى سۋىق سۋعا تۇسىرگەن. ياعني، ءتۇسىرىلىم راسىندا مۇزداي سۋدا بولدى. الايدا اكتەرلەرى توڭىپ قالماس ءۇشىن رەجيسسەر ىستىق ۆاننا دايىنداپ قويادى. ءتۇسىرىلىم اراسىندا ءارقايسىسى كەزەكتەسىپ ىستىق سۋعا ءتۇسىپ شىعاتىن.