ءبىز قاراما-قايشىلىققا تولى الەمدە ءومىر سۇرەمىز. كۇندەلىكتى قىزمەت بابىندا، جەكە ومىردە، دوستارمەن قارىم-قاتىناس بارىسىندا پىكىرلەر قايشىلىعى، ءوزارا تۇسىنىسپەۋشىلىكتەر تۋىنداپ جاتادى. كيكىلجىڭ مەن كەلىسپەۋشىلىكتىڭ سالدارىنان پسيحولوگيامىزعا، سونداي-اق ءوزارا قارىم-قاتىناسقا سىزات ءتۇسۋى دە عاجاپ ەمەس. اتاقتى امەريكالىق پسيحولوگ دەيل كارنەگي ءبىز كۇندەلىكتى ومىردە تاپ بولاتىن قيىندىقتان شىعۋدىڭ ءتيىمدى جولدارىن زەرتتەگەن. قازىرگى تاڭدا قانشاما ادامنىڭ ورتاسىندا جۇرسە دە وزدەرىن جالعىز سەزىنەتىندەر كوپ. Qamshy.kz اقپارات اگەنتتىگى وقىرمان نازارىنا كارنەگيدىڭ "قالاي دوس تابۋعا بولادى جانە ادامدارعا ىقپال ەتۋ جولدارى" اتتى كىتابىندا جازىلعان نەگىزگى قاعيدالارىن ۇسىنادى. ونداعى كەڭەستەر سىزگە ءوز ءومىرىڭىزدى قالىپقا كەلتىرۋگە نەمەسە مۇلدە وزگەرتۋگە سەبەپ بولۋى مۇمكىن.
دەيل كارنەگيدىڭ ءومىرى جايلى دەرەكتەر مەن وزگە دە قاعيدالارىن بۇعان دەيىن دە جاريالاعان ەدىك.
باقىتتى ءومىردى زەرتتەگەن تانىمال پسيحولوگتىڭ "باقىتسىز" ءولىمى
قالاي دوس تابۋعا بولادى: دەيل كارنەگيدىڭ نەگىزگى پرينسيپتەرى.
- سىناماڭىز، ايىپتاماڭىز، شاعىمدانباڭىز.
- ادال ءارى شىنايى باعالاڭىز.
- وزگە ادامداردىڭ قىزىعۋشىلىعىن وياتا ءبىلىڭىز.
- وزگەلەرگە قىزىعا ءبىلىڭىز.
- كۇلىمدەڭىز.
- ادام ءۇشىن ونىڭ ءوز ەسىمى – كەز كەلگەن تىلدە ەڭ كەرەمەت، ەڭ جاعىمدى دىبىس ەكەنىن ەستە ساقتاڭىز.
- وزگەلەردى تىڭداي ءبىلىڭىز. ولاردى ءسىز تۋرالى ايتۋعا ىنتالاندىرىڭىز.
- جانىڭىزداعى ادامعا قىزىق بولاتىن اڭگىمە ايتىڭىز.
- كيكىلجىڭدى شەشۋدە الدا بولۋدىڭ جولى – ونى بولدىرماۋ.
- جانىڭىزداعى ادامنىڭ پىكىرىنە سىيلاستىقپەن قاراڭىز. ەشقاشان ونىڭ ويىن جوققا شىعارماڭىز.
- ەگەر قاتەلىك جىبەرىڭىز، تەز ارادا تۇزەتۋ كەرەك.
- باستاپقى ساتتەن-اق، دوستىق نيەت ءبىلدىرىڭىز.
- اڭگىمەلەسۋ كەزىندەگى ۋاقىتتىڭ كوپ بولىگىندە جانىڭىزداعى ادامنىڭ سويلەۋىنە مۇمكىندىك بەرىڭىز.
- جاعدايعا وزگەلەردىڭ دە كوزقاراسىمەن قاراۋعا تىرىسىڭىز.
- وزگەلەردىڭ سەزىمى مەن پىكىرىنە تۇسىنىستىكپەن قاراڭىز.
- سانالى موتيۆكە شاقىرىڭىز.
- ءوز ويىڭىزدى اسەرلى ەتىپ جەتكىزىڭىز.
- ءبىرىنشى قادام جاساۋعا دايىن بولىڭىز.
- اڭگىمەنى ماقتاۋدان باستاڭىز.
- باسقالاردىڭ قاتەلىگىن جانامالاپ جەتكىزە ءبىلىڭىز.
- ءبىرىنشى ءوز قاتەلىكتەرىڭىزدى تالداپ، سودان كەيىن عانا وزگەلەردى سىناڭىز.
- باسقالارعا بۇيرىق ەمەس، سۇراق قويىڭىز.
- وزگەلەردىڭ ءوزىن اقتاۋىنا مۇمكىندىك بەرىپ كورىڭىز.
- باسقالاردىڭ كىشكەنە بولسا دا جەتكەن جەتىستىگىن ماقتاپ، ءار ءىسىن قۇپتاپ وتىرىڭىز. وزگەلەرگە ءوزىڭىزدى جومارت ادام رەتىندە كورسەتىڭىز.
- باسقا ادامدارعا ءوز بەدەلىن قالىپتاستىرۋىنا جاعداي جاساڭىز.
- باسقالار ءوز قاتەلىگىنىن تۇزەتە الاتىنىنا سەنىممەن قاراڭىز.
- ءسىزدىڭ ايتقانىڭىزدى وزگەلەر قۇلشىنىسپەن ورىنداي الاتىنداي بولسىن.
- جانىڭىزداعى ادام ءوزىنىڭ ماڭىزدىلىعىن ۇعىنۋىنا شىنايى نيەت تانىتىڭىز.
- ءسىزدىڭ سۇراعىڭىز بىردەن «ءيا» دەپ جاۋاپ بەرەتىندەي بولسىن!
- سىزبەن اڭگىمەلەسكەن ادام ءوزىنىڭ پىكىرى راسىمەن قۇندى ەكەنىن ءتۇسىنۋى كەرەك.
كارنەگيدەن كەڭەس: تانىمال پسيحولوگتىڭ بويىڭىزداعى مازاسىزدىقتى جويۋعا ارنالعان قاعيدالارى
پىكىر قالدىرۋ