2013 جىلعى 10 ناۋرىزدا كولەمى چەليابىدە قۇلاعان مەتەوريتتەن ۇلكەن 2013ەت ءىرى استەرويدى جەردىڭ ماڭىنان اعىپ ءوتتى. بۇل تۋرالى CNN تەلەارناسى اقش ۇلتتىق اۋادا ءجۇزۋ جانە عارىش كەڭىستىگىن زەرتتەۋ اگەنتتىگىنە ((NASA) سىلتەمە جاساپ حابارلادى. ربك اگەنتتىگىنىڭ حابارلاۋىنشا، عالىمداردىڭ ايتۋىنشا، استەرويد جەر بەتىنە 975 مىڭ شاقىرىم قاشىقتىققا دەيىن جاقىندادى، بۇل اي مەن جەردىڭ قاشىقتىعىنان 2،5 ەسە كوپ. استەرويدتىڭ ديامەترى 80 مەترگە جۋىق. استرونومداردىڭ اتاپ وتۋىنشە، استەرويدتى تۇنگى اسپاندا تەلەسكوپتىڭ كومەگىمەن كورۋگە بولاتىن ەدى. ەسكە سالا كەتەيىك، 2013 جىلعى 15 اقپاندا 2012 DA14 استەرويدى عالامشارىمىزدىڭ جانىنان، جەردەن 28،2 مىڭ شاقىرىم قاشىقتىقتا ويداعىداي ءوتىپ كەتتى. NASA مالىمەتتەرىنە قاراعاندا، ول بۇرىنعى بەلگىلى استەرويدتارعا قاراعاندا جەرگە ەداۋىر جاقىنداپ كەلدى، ونىڭ جولى بايلانىس سپۋتنيكتەرىنىڭ قوزعالىس وربيتاسى ىشىندە بولدى. دەرەككوز: قازاقپارات