الماتى قالاسىنداعى ءۇش ادامنىڭ ولىمىنە سەبەپكەر بولعان يلياس كار وزىنە تاعىلعان ايىپتىڭ كەيبىرىمەن كەلىسپەيتىنىن ايتتى دەپ جازادى Qamshy.kz اقپارات اگەنتتىگى. 

"مەن كىنامدى جارتىلاي عانا مويىندايمىن. كولىكتى ماس كۇيىندە جۇرگىزدى دەگەن ايىپپەن كەلىسپەيمىن. سونداي-اق مەنىڭ وقيعا ورنىنان قاشىپ كەتۋ تۋرالى ويىمدا دا بولعان جوق"، دەدى كۇدىكتى. 

پروكۋروردىڭ ايتۋىنشا، ىشىمدىككە سىلقيا ماس بولعان كار اباي كوشەسىندە باتىس باعىتتا كەلە جاتقان. ءقاۋىپسىز جىلدامدىقتى تاڭداماعان جانە باعدارشامنىڭ قىزىل تۇسىنە ءوتىپ كەتكەن. سونىڭ سالدارىنان ءتۇرلى دەنە جاراقاتىنان ءۇش ادام كوز جۇمدى.

ايىپتالۋشى جايىندا بەلگىلى بولعانى، يلياس كار 1985 جىلى تۋعان. وتباسىلى، ءۇش بالاسى بار. ءبىلىمى ورتا. ۇستالعان ساتتە "كازاحپرودۋكت" جشس-دە ديرەكتور كومەكشىسى بولىپ جۇمىس ىستەگەن. بۇرىن ءىستى بولماعان.

ەسكە سالساق،  29 جەلتوقساندا اباي مەن سەيفۋللين كوشەلەرىنىڭ قيىلىسىندا قايعىلى جول اپاتى بولعان ەدى. اسا قاتتى جىلدامدىقپەن كەلە جاتقان Mercedes Gelandewagen كولىگى باعدارشامنىڭ قىزىل تۇسىنە ءوتىپ، Mitsubishi كولىگىن سوققان. سونىڭ سالدارىنان ءۇش ادام مەرت بولعان ەدى. ونىڭ ءبىرى – اكتريسا شولپان ەلگەزەكوۆا. تاعى ءبىر اكتريسا ايزادا ساتىبالدييەۆا جاقىندا عانا ەمحانادان شىقتى.

ۇسىنعان: اسەل بولات قىزى