ەكس-دەپۋتات، تانىمال بلوگەر تاڭىربەرگەن بەردوڭعاروۆ استانادا 5 بالاسىنان ايىرىلعان سيتەرلەر وتباسىنا باردى دەپ جازادى Qamshy.kz اقپارات اگەنتتىگى. ولار حالىقتىڭ كوكەيىندە جۇرگەن بىرنەشە سۇراققا جاۋاپ بەردى. 

ء-ورت بولعان ءتۇنى 5 بالانىڭ اكەسى قايدا بولدى؟

-"مەن ءبىر كولىكتى تاپسىرىسپەن جوندەۋگە العان ەدىم. كەلىسىلگەن ۋاقىتقا ۇلگەرە الماي جاتتىم. ەكى اپتاعا كەشىكتىرگەندىكتەن، تۇندە دە جۇمىس ىستەۋگە تۋرا كەلدى. سەبەبى تاڭەرتەڭ كولىكتى يەسىنە قايتارۋىم كەرەك بولدى. كولىكتىڭ يەسى كەلەسى كۇنى تاڭەرتەڭ جولعا شىعۋى قاجەت. ال مەنىڭ كولىك جوندەۋمەن اينالىسىپ جۇرگەنىمە 20 جىلدان استام ۋاقىت بولدى. ارنايى تاپسىرىسپەن كولىگىن سەنىپ تاپسىراتىن تۇراقتى تۇتىنۋشىلارىم بار"، -دەدى ەۆگەنيي سيتەر. 

سونداي-اق سيتەرلەر وتباسىنىڭ جاپى سوماسى 100 مىڭ تەڭگەنى قۇرايتىن 3 نەسيەسى بولعان. 

ايتا كەتسەك، "ازىرەت سۇلتان" مەشىتىنىڭ باس يمامىنىڭ باستاماسىمەن قايعىدان قان جۇتقان وتباسىنا اقشا جينالدى. قازاقستاندىقتار بۇل وتباسىنا كوڭىل ايتا وتىرىپ، 13 ملن تەڭگە جينادى. مەشىت قىزمەتكەرلەرى بۇل قارجىعا 5 بالاسىنان ايىرىلعان وتباسىنا ءۇي الىپ بەرەتىنىن مالىمدەگەن بولاتىن. 

سيتەرلەر وتباسى قاشان باسپانالى بولادى؟

-ولار بىزگە كەلىپ "اقشالاي بەرەيىك پە، الدە پاتەر ساتىپ الۋعا كومەكتەسەيىك پە؟" دەپ سۇرادى. ءبىز پاتەردى تاڭدادىق. سوسىن ارنايى ساتىپ الۋ - ساتۋ كەلىسىمشارتىنا قول قويدىق. اللادان قايتادى. كەيبىر ادامدار ءبىزدىڭ قايعىمىز ارقىلى ۇپاي جيناپ قالۋعا تىرىسىپ جاتىر. بۇلاي بولماۋ كەرەك ەدى. مەن كوپ بالالى انالارعا قارسى ەشتەڭە ايتقىم كەلمەيدى. كەيبىر ايەلدەر ءبىزدىڭ باسىمىزدان وتكەن وقيعادان كەيىن ميتينگكە شىعىپ جاتىر. ال بازبىرەۋلەر بىرەۋدىڭ قايعىسى ارقىلى ءوز جاعدايىن تۇزەپ الۋدى كوزدەپ وتىر. بالا تابۋ، جۇمىس ىستەۋگە دەگەن نيەت... مەنىڭ كەلەسى بالالارىمدى دا الىپ كەتپەيتىنىنە كىم كەپىل بولا الادى؟"، - دەيدى جانىمگۇل سيتەر. 

"ۋاقىت ەمدەيدى دەگەن بار. بىلمەيمىن. بۇدان كەيىن بىزگە جەڭىل بولمايدى. ۋاقىت بۇل جارانى ەمدەي المايدى. قانشا جىل وتسە دە بۇل قايعىنىڭ ەمى جوق"، دەيدى ەۆگەنيي سيتەر. 

سونداي-اق سيتەرلەر وتباسى كومەك كورسەتكەن بارشا قازاقستاندىقتارعا العىس ءبىلدىردى. 

"بىزگە بارلىق جاعىنان كومەك كورسەتىلدى. كورسەتىلىپ تە جاتىر. سول ءۇشىن بارشا قازاقستاندىقتارعا راقمەتىمدى ايتامىن"،- دەدى 5 بالاسىنان ايىرىلعان اكە. 

ۇسىنعان: اسەل بولات قىزى