ۇلتتىق ەكونوميكا ءمينيسترى رۋسلان دالەنوۆ ەلوردا اتاۋىن وزگەرتۋگە قانشا تەڭگە جۇمسالاتىنى ازىرگە بەلگىسىز ەكەنىن ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.

دالەنوۆتىڭ ايتۋىنشا، ەلوردا اتاۋىن وزگەرتۋگە قانشا اقشا جۇمسالاتىنى ءالى بەلگىسىز. 

"ەسەپتەگەن جوقپىز، ءبىراق قولدا بار اقشانىڭ، بيۋدجەتتىڭ شەگىندە دەپ ويلايمىن"، - دەدى مينيستر پارلامەنت پالاتالارىنىڭ بىرلەسكەن وتىرىسىنان كەيىن.

ول استانا اتاۋىن وزگەرتۋگە جۇمسالاتىن قارجى سوماسى كەيىن جەكە حابارلاناتىنىن ايتتى.

"تۇسىنەسىزدەر مە، اتاۋدى وزگەرتۋ بىردەن بولا سالاتىن دۇنيە ەمەس. ەگەر قۇجات، ءتولقۇجات، ماڭدايشالارداعى اتاۋلاردى سۇراپ تۇرساڭىزدار، مۇنىڭ ءبارى جوسپارلى تارتىپپەن جۇزەگە اسىرىلادى"، - دەدى مينيستر.

ايتا كەتسەك، بۇگىن پارلامەنت پالاتالارىنىڭ بىرلەسكەن وتىرىسى ءوتىپ، دەپۋتاتتار استانانىڭ اتاۋىن نۇرسۇلتان دەپ وزگەرتۋگە باعىتتالعان، قازاقستان كونستيتۋسياسىنا وزگەرىستەر ەنگىزۋ تۋرالى زاڭ جوباسىن ەكى وقىلىمدا دا ماقۇلدادى.

ۇسىنعان: ماقپال سەمباي