مۇگەدەك بوپ دۇنيەگە كەلگەن جاس جىگىتتىڭ ءانى الەۋمەتتىك جەلى قولدانۋشىلارىنىڭ كوزىنە جاس ۇيالاتتى دەپ حابارلايدى Qamshy.kz اقپارات اگەنتتىگى.
ول جىگىت تۋرالى بلوگەر داۋلەت مۇقايەۆ ءوزىنىڭ Instagram پاراقشاسىندا جاريالادى.
جاس جىگىتتىڭ 20 جاستاعى نىشانباي وڭعارباي ەكەنىن تانىستىرا كەلە بلوگەر "ەكى قول، ءبىر اياعى جوق بولىپ دۇنيە ەسىگىن اشقان، 1ء-شى توپتاعى مۇگەدەك. شىمكەنتتەگى "تاسارىق" بالالار ۇيىندە تاربيەلەنىپ وسكەن. بۇگىندە سول شىمقالاداعى نۇرسات مولتەكاۋدانىندا پاتەر جالداپ تۇرادى" دەي كەلە، "مەملەكەتتەن 56 مىڭ كولەمىندە جاردەماقى الادى. وكىنىشكە قاراي، بۇل اقشا پاتەر اقىسىنان ارتىلمايدى. وعان قوسا، اياعىنا كيىلەتىن پروتەزى دە ەسكىرگەن" دەپ جازعان.
پروتەزىن جىل سايىن اۋىستىرىپ وتىرۋ كەرەكتىگىن دە اتاپ وتكەن بلوگەر نىشانبايدىڭ سوڭعى ءۇش جىل بويى ءبىر پروتەزبەن جۇرگەنىن، ەسكىرگەندىكتەن اياعىن قىسىپ، قاجايتىنىن العا تارتقان. بۇعان دا امال جوقتىقتان شىداپ جۇرگەن جاس جىگىتكە كومەك قولىن سوزايىق دەپ بارشا قازاق حالقىنا ۇندەۋ تاستاعان بلوگەر: "جاقسىلىقتىڭ ۇلكەن-كىشىسى بولمايدى، اعايىن! كومەك قولىن سوزام دەۋشىلەر بولسا، تومەندە كورسەتىلگەن تەلەفونعا xابارلاسىڭىزدار: 8-702-56-11-444" - دەپ جازباسىنىڭ سوڭىندا قاجەتتى ەسەپشوت نومىرلەرىن دە قالدىرعان.
مۇنداي جاعدايعا بەي-جاي قاراي المايتىن جەلى قولدانۋشىلارى جاس جىگىتكە جانى اشىپ جاقسى پىكىرلەرمەن قولداۋ ءبىلدىرىپ، بارىنشا كومەك قولدارىن سوزۋعا دايىن ەكەندەرىن دە جەتكىزگەن ەكەن.
ۇسىنعان: ماقپال سەمباي
پىكىر قالدىرۋ