قوعام بەلسەندىسى، زاڭگەر ايگۇل ورىنبەك ءوزىنىڭ الەۋمەتتىك جەلىدەگى پاراقشاسىندا جەتىساي قالاسىندا ورىن العان سۇمدىق وقيعاعا بايلانىستى جاڭا دەرەكتەردى كەلتىردى دەپ حابارلايدى Qamshy.kz اقپارات اگەنتتىگى. 

وگەي شەشەسىنەن ازاپ كورگەن ءاپالى-سىڭلى ءۇش قىزدىڭ تۋعان اناسى شىندىعىن ايتىپتى. ونىڭ ايتۋىنشا، قىزداردىڭ اكەسى سالافيت اعىمىنا كىرىپ كەتكەن ەكەن.

"قىزداردىڭ تۋعان اناسى ءوز شىندىعىن ايتتى.
اكەسى سالافي اعىمىنا كىرىپ، كۇندە ۇرىپ سوعىپ وتىرعانىن دا جەتكىزدى. 
قىزداردى تاستامايتىن ەدىم، "ول مەنى ماجبۇرلەدى، ۇيدەن قاشۋىما يتەرمەلەدى" دەپ جىلاپ وتىر.
اركىمنىڭ ءوز شىندىعى بار!
مەن ەشكىمدى اقتامايمىن!
مەن تەك قىزداردى مىنا قاتىگەز جاۋىزداردان وقشاۋلاۋ كەرەك ەكەنىن ءتۇسىندىم. مەملەكەت ءوز باقىلاۋىنا الىپ، قىزداردى بەيىمدەۋ، وڭالتۋ ورتالىعىنا جاتقىزۋ كەرەك. قىزدارمەن پەدپسيحولوگتاردان بولەك، پسيحياترلار جۇمىس جاساۋى كەرەك!
ماعان ءۇش قىزدىڭ قاۋىپسىزدىگى كەرەك. 
بۇل ومىردە اقشادان دا قۇندى دۇنيە بار ەكەنىن ءتۇسىنۋ كەرەك. ول – بالالاردىڭ تىنىش ءومىرى!" - دەپ جازادى ايگۇل ورىنبەك.

ۇسىنعان: نازەركە لابيحان