سان عاسىردان بەرى سالتىن جوعالتپاعان قازاق حالقى ۇلتتىق مەيرامداردى وتىز كۇن ويىن، قىرىق كۇن تويىن جاساپ تويلاپ كەلەدى. ناۋرىز مەيرامى – ەجەلدەن قالىپتاسقان جىل باستاۋ مەيرامى. كۇنتىزبە بويىنشا كۇن مەن ءتۇننىڭ تەڭەسۋى – 22 ناۋرىزعا تۋرا كەلەدى. كونە پارسى تىلىدە ناۋرىز- «جاڭا كۇن»، ياعني «جاڭا جىلدى» بىلدىرەدى. بۇل مەرەكە 2010 جىلدىڭ مامىرىنان بەرى بۇۇ-نىڭ شەشىمى بويىنشا 21 ناۋرىز «حالىقارالىق ناۋرىز كۇنى» بولىپ اتالىپ كەلەدى.

ناۋرىزدى كوكتەم مەرەكەسى رەتىندە 3000 جىلدان بەرى قارا تەڭىز ماڭىندا، بالكان تۇبەگىندە، ورتا ازيادا، كاۆكازدا، تاياۋ شىعىستا تويلاعان.

يۋنەسكو 2009 جىلدىڭ 30 قىركۇيەگىندە ناۋرىز مەيرامىن مادەني مۇرا تىزىمىنە ەنگىزدى.

ىرىس پەن ىنتىماقتىڭ ، بەرەكە مەن بىرلىكتىڭ جارشىسىنا اينالعان ۇلىستىڭ ۇلى كۇنى- ناۋرىز مەيرامىن ءال-فارابي اتىنداعى قازاق ۇلتتىق ۋنيۆەرسيتەتى جوعارى دەڭگەيدە اتاپ ءوتتى. قازۇۋ قالاشىعىنا رەكتورات پەن ءار فاكۋلتەتتىڭ قازاق ۇيلەرى تىگىلىپ، مەرەكەلىك اتموسفەرا سىيلادى. سامارقاننىڭ كوك تاسى ەرىپ، بارشا تىرشىلىك اتاۋلى ۇيقىسىنان وياناتىن جاڭارۋ مەن جاڭعىرۋ كەزەڭى اتانعان ناۋرىز مەيرامى- ۇستازدار مەن ستۋدەتتەر اسىعا كۇتەتىن ەرەكشە مەيرام. جىل سايىن كەلىسكەن ءسان- سالتاناتىمەن وتەتىن مەيرام بيىل دا جوعارى دەڭگەيدە اتالىپ ءوتىلدى. مەرەكەلىك شارا اقساقالدىڭ اق باتاسىمەن اشىلىپ، اق جاۋلىقتى اجەلەر شاشۋ شاشتى. ساحنا تورىندە انشىلەر ءان شاشۋىمەن ، بيشىلەر بيىمەن، كۇيشىلەر كۇيىمەن جينالعان جۇرتشىلىققا مەركەلىك كوڭىل-كۇي سىيلادى.

تاريحتى تۇگەندەپ ءار فاكۋلتەت ۇستازدارى وتكەن زامانىمىزدىڭ رۋحتى تۇلعالارىن سومداپ، ساحنالىق كورىنىستەر كورسەتىلدى. مەرەكەنىڭ باستى سيمۆولى- ناۋرىز كوجە. ستۋدەنتتەر مەن قوناقتارعا جىل بويى توق بولىپ جۇرىڭىزدەر دەگەن ىرىممەن ناۋرىز كوجە تاراتىلدى. بىرنەشە كۇن قۇبىلىپ تۇرعان اۋا رايى دا ءدال وسى كۇنى اشىلىپ، كۇن ساۋلەسى ءوز نۇرىن شاشىپ تۇردى. ۇلتتىق ونەگەنى ۇلىقتاعان ۇلى مەيرام ۇرپاقتار ءۇشىن ۇمىتىلماس ونەگە.

ءال-فارابي اتىنداعى قازۇۋ دوسەنتى، زاڭ عىلىمدارىنىڭ كانديداتى

مىڭباتىروۆا ن.ك