ەۋرووداق پارلامەنتى جاقسى ۆيزالىق تاريحى بار ازاماتتارعا شەنگەن ۆيزاسىن بەرۋدى جەڭىلدەتۋ تۋرالى ەۋروپالىق كوميسسيانىڭ ۇسىنىسىن بەكىتتى.

پارلامەنت مۇشەلەرىنىڭ ايتۋىنشا، ساياحاتشىلار ەندىگى ۋاقىتتا ۆيزاعا تاپسىرىستى ءۇش اي بۇرىن ەمەس، جارتى جىل بۇرىن بەرەدى. بۇل شەشىم كۇشىنە ەنگەن جەرلەردە تۋريستەر تاپسىرىستى ەلەكتروندى تۇردە بەرۋگە بولادى. سونىمەن قاتار، 6-18 جاس ارالىعىنداعى جاسوسپىرىمدەردى ۆيزا قاجەتتىلىگىنەن بوساتۋ جوسپارلانۋدا.

ايتا كەتۋ كەرەك، ەۋرووداق ەلدەرىندە كوپ بولاتىن، «جاقسى ۆيزالىق تاريحى» بار ازاماتتار جارامدىلىق مەرزىمى 1-دەن 5 جىلعا دەيىنگى ۆيزالاردى الا الادى.

سونداي-اق، ەۋرووداق ميگراسيالىق زاڭداردىڭ وزگەرۋى ءسوز بولدى. ويتكەنى، ءقازىر كۇشىندە تۇرعان «ۆيزالىق ساياسات» 2010 جىلدان بەرى قاتتى وزگەرىسكە ۇشىراعان.

2018 جىلدىڭ قازان ايىندا ەۋرووداقتىڭ رەسەيدەگى ەلشىسى ماركۋس ەدەرەر رەسەيلىكتەرگە شەنگەن ۆيزاسى كوپتەپ بەرىلە باستاعانىن ايتقان-دى. 2017 جىلى 3،8 ميلليون شەنگەن ۆيزاسى رەسەيلىك ازاماتتارعا بەرىلگەن. بۇل كورسەتكىش 2016 جىلمەن سالىستىرعاندا 20 پايىزعا ارتىق. سونىمەن قاتار، بىرنەشە رەتتىك ۆيزالار ۇلەسى 85 پايىزدى قۇرادى.