"نۇر وتان" پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ جامبىل وبلىسىنداعى ءىرى جول اپاتىنا زارداپ شەككەن وتباسىلارعا كوڭىل ايتتى دەپ حابارلايدى Qamshy.kz اقپارات اگەنتتىگى.

ول تۋرالى ماۋلەن اشىمبايەۆ ءوزىنىڭ فەيسبۋكتەگى پاراقشاسىندا جازدى.

"جامبىل وبلىسىنداعى ءىرى جول اپاتىتۋرالى سۋىت حابار مەنىڭ دە كوڭىلىمدى قۇلازىتىپ جىبەردى. وسىعان بايلانىستى ءوزىمنىڭ جانە «Nur Otan» پارتياسىنىڭ اتىنان اپات سالدارىنان قازا بولعانداردىڭ وتباسى مەن تۋعان-تۋىستارىنا قايعىلارىنا ورتاقتاسىپ، كوڭىل ايتامىن" دەي كەلە، قوعام قايراتكەرى زارداپ شەككەندەردىڭ تەزىرەك ساۋىعىپ كەتۋىنە تىلەكتەس ەكەندىگىن دە جازىپتى. 

"قازىرگى تاڭدا وسى وقيعاعا قاتىستى ارنايى كوميسسيا قۇرىلىپ، وبلىستىق اكىمدىك تاراپىنان شۇعىل تۇردە ءتيىستى جۇمىستار جۇزەگە اسىرىلىپ جاتىر. بۇل جۇمىستارعا «Nur Otan» پارتياسى دا بەلسەنە ارالاسىپ، قاجەتتى شارالاردى قولعا الدى" دەپ اياقتاعان ءوزىنىڭ جازباسىن.

ەسكە سالا كەتسەك، 20 ءساۋىر كۇنى 04:15-تە الماتى-تاشكەنت اۆتوجولىندا ءىرى كولىك اپاتى بولىپ، 11 ادام قازا تاۋىپ، بىرنەشە ادام اۋرۋحانادا جاتقاندىعى حابارلانعان بولاتىن. 

حابارلامادا، اپاتقا قاتىستى قازاقستان رەسپۋبليكاسى قىلمىستىق كودەكسىنىڭ 345 بابىنىڭ 4 تارماعىنا ساي قىلمىستىق ءىس قوزعالعانى دا اتاپ ايتىلعان. 

وقي وتىرىڭىز، ♦الماتى-تاشكەنت اۆتوجولىندا ءىرى كولىك اپاتى بولدى: قازا تاپقاندار بار

ۇسىنعان: ماقپال سەمباي