90 -جىلدارى وتە ۇلكەن تانىمالدىلىققا يە بولعان "Love is…" ساعىزىن بىلمەيتىن جان جوق شىعار؟  Love is… ساعىزى وتكەن عاسىردىڭ 70 جىلدارى پايدا بولعان . ساعىزدىڭ حالىقتىڭ سۇيىكتىسىنە اينالۋىنا تاڭعاجايىپ ماحاببات وقيعاسى سەبەپكەر دەپ جازادى Qamshy.kz اقپارات اگەنتتىگى.

تۇركيالىق كومپانيا بۇل سۋرەتتەردى ساعىزبەن بىرگە شىعاردى. رومانتيكالىق وقيعالار بەينەلەنگەن انيماسيا الەمنىڭ كوپتەگەن تىلىنە اۋدارىلىپ، جاڭا كەيىپكەرلەرمەن سالىنا باستادى. مىسالى، تۇركيادا حيدجاپتاعى قىز بەن ۇلدىڭ ماحاببات وقيعاسى بەينەلەندى.

ساعىزدىڭ سول كەزدە برەندكە اينالۋىنا تاڭعاجايىپ ماحاببات وقيعاسى سەبەپكەر بولعان. سۋرەتتەردىڭ شىنايى اۆتورى  جاڭا زەلانديالىق كاريكاتۋريست قىز كيم كازالي 1970 جىلدارى رومانتيكالىق تاقىرىپتاعى ماحابباتقا تولى انيماسيالىق مۋلتفيلمدەرىمەن الەمگە تانىمال بولدى.

كيم جاڭا زەلانديادان باسقا قالاعا كەتۋگە شەشىم قابىلدايدى. 60- جىلداردىڭ اياعىندا ول ءوزىنىڭ سۇيىكتىسى روبەرتو كاساليدى كەزدەستىرەدى. ەكى جاس بىر-بىرىمەن تاۋدا شاڭعى تەۋىپ جۇرگەندە تانىسادى.

ولار كەزدەسىپ جۇرگەندە بىر-بىرىنە حات جولدايدى. حاتتار قىزىقتى بولۋى ءۇشىن كيم وندا ءتۇرلى سۋرەتتەر سالادى. روبەرت سۇيىكتىسىنىڭ سالعان سۋرەتتەرىن تاستاماي جيناپ جۇرەدى. كەيىننەن دوستارى بۇل سۋرەتتەردى جاريالاۋدى ۇسىنادى.  وسىلايشا بۇل اشىق حاتتىڭ تانىمالدىلىعى ارتا بەرەدى.

70-جىلداردىڭ اياعىندا كيم Los Angeles Times-قا ارنالعان العاشقى تاپسىرىسىن الادى. ولاردىڭ كەيىپكەرى الەمگە تانىمال سارى شاشتى قىز بەن قارا تورى ۇل بولدى. ولاردىڭ ايگىلى بولعانى سونشالىق، سۋرەتتەر ساعىزدىڭ قورابىنا سالىنا باستادى. كيم دە اجەپتاۋىر تابىس تاپتى.

كەيىن ولار ۇيلەنىپ، توي جاسايدى. دۇنيەگە ستەفانو، داريو جانە ميلو ەسىمدى ءۇش بالا  كەلدى. 1975 جىلى روبەرتو كاساليگە قاتەرلى ىسىك دياگنوزى قويىلىپ، ءبىر جىلدان سوڭ كوز جۇمدى. ءدال سول جىلى ونىڭ كەنجە بالاسى دۇنيە ەسىگىن اشتى.

جارى باقيلىق بولعاننان كەيىن كيم سۋرەت سالۋدى توقتاتىپ، ۇلدارىنىڭ تاربيەسىمەن اينالىستى. ونىڭ دا سۇيەگىنەن قاتەرلى ىسىك انىقتالىپ، 56 جاسىندا ومىردەن وزدى. ال، ولاردىڭ ۇلدارى ونەر مەن كومپيۋتەرلىك گرافيكا سالاسىندا مىقتى مامان بولىپ قالىپتاستى.

وسىلايشا قاراپايىم جۇپتىڭ ماحاببات وقيعاسىن بۇكىل الەم ءبىلدى. ولاردىڭ ماحابباتى قۋانىشپەن اياقتالماسا دا،  سۋرەتتەگى بەينەلەرى كوپ ادامدى ءومىردى سۇيۋگە، ماحابباتتىڭ باياندى بولۋىنا ۇيرەتتى.