گرۋزيا استاناسى تبيليسيدە "ورمەكشى ادام" بولىپ كيىنگەن ءتورت جاسار بالا سەگىزىنشى قاباتتاعى تەرەزەدەن سەكىرىپ، جەڭىل-جەلپى جاراقات الدى، دەپ جازادى Qamshy.kz اقپارات اگەنتتىگى گرۋزيا Online سايتىنا سىلتەمە جاساپ.
نەگىزىندە بالاقايمەن بىرگە پاتەردە اجەسى دە بولعان. ول كىسى ءتورت جاسار نەمەرەسى ءوز بولمەسىندە ويناپ وتىر دەپ ويلاپتى. اجەي بولعان جايتتى كورشىلەردەن ءبىر-اق ەستىگەن.
وقيعا كۋاگەرلەرىنىڭ ايتۋىنشا، "ورمەكشى ادام" بولىپ كيىنگەن ءسابي سۇيىكتى كەيىپكەرىنە ەلىكتەگەن سياقتى.
ءقازىر وينايمىن دەپ جاراقات العان بالا اۋرۋحانادا جاتىر. دارىگەرلەردىڭ ايتۋىنشا، ومىرىنە ەشقانداي ءقاۋىپ ءتونىپ تۇرعان جوق. جاقىن ارادا جازىلىپ شىعادى ەكەن.
بالا بيىك قاباتتان ءوزى قۇلاپ كەتكەنىن مويىنداپتى.
ۇسىنعان: ميات كاشىباي
پىكىر قالدىرۋ