سۇلۋلىق – ايەل زاتىنىڭ باستى قارۋى، ۇلى نارسەلەرگە جەتۋ ءۇشىن ادامداردى جىگەرلەندىرە الاتىن كۇش. ادامدار تۇرعىلىقتى جەرى نەمەسە عيباداتىنا بايلانىستى سۇلۋ بولمايدى، سەبەبى قۇداي وسى پلانەتاداعى بارلىق ادامداردى ادەمى جانە ەرەكشە ەتىپ جاراتقان. ءسىز الەمنىڭ ءارتۇرلى ەلدەرىندەگى ەڭ ادەمى مۇسىلمان ايەلدەرىن بىلەسىز بە؟ ولار تەك سۇلۋلىعىمەن عانا ەمەس، سونداي-اق ىستەگەن ىسىمەن كوپكە ۇلگى جانە قۇرمەتتى تۇلعالار. بۇل ايەلدەر ءارتۇرلى ماماندىقتاردىڭ يەلەرى، ءارتۇرلى كوزقاراس پەن ازاماتتىق پوزيسياعا يە، ءبىراق ولاردىڭ بارلىعى تارتىمدى، كۇشتى، تالانتتى جانە اقىلدى. ولار مۇسىلمان الەمىنىڭ ەڭ ادەمى حانشايىمدارى دەپ جازادى Qamshy.kz اقپارات اگەنتتىگى.
- اميرات ءال-تاۆيل (ساۋد ارابياسى)
الەمدەگى مارتەبەلى حانشايىمدار جاقسى ءومىرىن مانساپ پەن ساياسي قىزمەتكە ارناۋعا شەشىم قابىلداي بەرمەيدى. اميرا ءال-تاۆيل – سونداي قيىن جولدى تاڭداعان حانشايىمداردىڭ ءبىرى. ساۋد ارابياسىنىڭ ەڭ باي شەيحتەر وتباسىندا دۇنيەگە كەلىپ، كەيىن ساۋد ارابياسىنىڭ حانزاداسىنا ۇيلەندى، ءبىراق ون جىلدان كەيىن ولاردىڭ نەكەلەرى اياقتالدى. بۇل جاعدايدا ايەلدىڭ باستاماسى بويىنشا اجىراسۋ - اراب الەمى ءۇشىن بۇرىن-سوڭدى بولماعان وقيعا. ءقازىر اميرا 36 جاستا، ول فەنومەنالدى سۇلۋلىققا يە جانە سوڭعى جىلدارى مۇسىلماننىڭ ەڭ ىقپالدى ايەلدەرىنىڭ ءبىرى. حانشايىم قايىرىمدىلىق قورىن باسقارىپ، اراب حالقىنىڭ گۋمانيتارلىق جانە الەۋمەتتىك ماسەلەلەرىن شەشۋدە ەلشى قىزمەتىن اتقارادى. ول 70-تەن استام ەلگە بارىپ، بريتاندىق كورولدىك وتباسىمەن دوستىق قارىم-قاتىناس ورناتقان (اتاپ ايتقاندا، پرينس فيليپپەن بىرلەسكەن زەرتتەۋ ورتالىعىن اشتى) جانە بۇكىل الەمدەگى اراب ايەلدەرىنىڭ ءيميدجىن تانىمال ەتۋ ءۇشىن كوپتەگەن پايدالى نارسەلەر جاسادى. ساۋدتىق حانشايىم اميرا ال-تاۆيل – سۇلۋلىق، ينتەللەكت جانە رۋحاني مەيىرىمدىلىكتى ۇشتاستىرا بىلگەن مۇسىلمان قىزى.
- رەحام حان (پاكىستان)
رەحام – جۋرناليست، جازۋشى، تەلەجۇرگىزۋشى جانە وتە ادەمى ايەل. ول امەريكادا بي-بي-سي تەلەارناسىندا كوپ ۋاقىت جۇمىس ىستەپ، وندا اۋا رايى بولجامىن جۇرگىزگەن، الايدا 2014 جىلى پاكىستانعا ورالىپ، جەرگىلىكتى ساياساتكەر يمران حانعا ۇيلەنەدى. ارابتارعا بۇل نەكە ءداستۇرلى ەمەس، ەرسى كورىنگەن. الايدا ول ءوز سۇلۋلىعى مەن اقىلدىلىعىنىڭ ارقاسىندا كوپكە تانىمال. رەحام ءان مەن ءبيدىڭ شىنايى تابىنۋشىسى، سونداي-اق شوكولادتى قاتتى سۇيەتىن ادام رەتىندە بەلگىلى. ول ساياحات جاساۋدى جاقسى كورەدى جانە 4 ءتىل بىلەدى، ەكى جوعارى ءبىلىمى بار. رۋحاني باي، مادەنيەتتى مۇسىلمان قىزى.
- نەسرين تافيش (پالەستينا)
نەسرين تافيش - ۇلكەن، گيپنوزدى كوزدەرى بار تالانتتى پالەستينالىق اكتريسا. بولاشاق جۇلدىز الەپپودا دۇنيەگە كەلگەن. بالا كەزىنەن باستاپ تەلە-شوۋلاردا ەپيزودتىق رولدەردى سومداپ، 20 جاسىندا ارابتىق ويىن-ساۋىق يندۋسترياسىندا تانىمال ادامداردىڭ ءبىرى بولدى. 2011 جانە 2013 جىلدارى نەسرينگە پالەستيناداعى ەڭ ادەمى ايەل اتاعى بەرىلدى جانە ول جىل سايىن وسى قۇرمەتتى اتاعىن سۇلۋلىعى مەن اقىلدىلىعىمەن راستاپ كەلەدى.
- زارينا كحان (ءۇندىستان)
زارينا - ۇلى جانە تالعامپاز كورىنەتىن شىعىس ايەلدەرىنە جات سۇلۋلىققا يە اكتريسا جانە مودەل. ول ۇلكەن ەكراننان تۇسپەيدى، كوپتەگەن تانىمال برەندتەردى تانىستىرۋشى جانە الەمدەگى جەتەكشى ءسان ديزاينەرلەرىمەن جۇمىس ىستەيدى، قايىرىمدىلىقپەن بەلسەندى اينالىسادى. زارينا ويناعان بارلىق فيلمدەر ۇلكەن تابىس جيناپ، گولليۆۋدتىڭ ەڭ كوپ قارالعان تۋىندىسىنا اينالادى. اكتريسا شەت ەلدەرگە دە تانىلۋدا. ايگىلى جۇلدىز سالمان كحانمەن بىرگە تۇسكەن "ۆير" اتتى ءفيلمى زارينا كحاننىڭ اتىن الەمگە تانىتتى. جاقىن ارادا زارينا كحان گولليۆۋدتىڭ جەتەكشى رەجيسسەرلەرىنىڭ جوبالارىنىڭ بىرىنە قاتىسادى.
- مينا ابۋ سۋلەيمان (ساۋد ارابياسى)
مينا – اقش-تا ءوسىپ، ءبىلىم العان امەريكالىق ايەل. ەسەيگەندە ساۋد ارابياسىنا كوشىپ، ازاماتتىق جانە ساياسي قىزمەتكە بەلسەندى ارالاسىپ، الەمدەگى ەڭ بەدەلدى مۇسىلمان ايەلدەردىڭ ءبىرى رەتىندە تانىلدى. ول ساۋد ارابياسىنداعى ايەلدەردىڭ قۇقىعىن قورعاپ، ەلدەگى بۇقارالىق اقپارات قۇرالدارىنىڭ ەركىندىگىن ارتتىرىپ، شىعىس پەن باتىس اراسىنداعى ديپلوماتيالىق بايلانىستاردى ورناتادى. 2007 جىلدان بەرى بۇۇ-نىڭ ىزگى نيەتتى ەلشىسى بولدى. مۋنا سۋلەيمان تەلەديداردا دا ۇلكەن سۇرانىسقا يە، ول اراب تىلىندەگى ايگىلى توك-شوۋدىڭ جۇرگىزۋشىسى.
- سارين ابدەلنير (ليۆان)
سارين – داڭقتى ءانشى. ول ەشقانداي قولداۋسىز ءوزىنىڭ 3 ستۋديالىق البومىن شىعارىپ، كوپكە تانىمال بولدى. كوپ ۇزاماي سۇلۋلىعى مەن اكتريسالىق شەبەرلىگىن بايقاپ، ول تەلەديدارعا شاقىرتۋ الادى. وسىلاي 40 جاستاعى سارين ابدەلنير ليۆانداعى ەڭ باي جانە ەڭ تانىمال كينوجۇلدىز بولىپ سانالادى. كوپتەگەن مۇسىلمان ايەلدەردەن ايىرماشىلىعى، سارين ەۋروپالىق ءساندى ۇناتادى جانە ءجيى اشىق، ءداستۇرلى ەمەس كيىمدەردە كيىنەدى. الايدا بۇل ونىڭ وتە سۇلۋ مۇسىلمان قىزى ەكەنىنە ەش ءشۇبا كەلتىرمەيدى.
- ماحرا ءال ماكتۋم (ءباا)
ماحرا ءال ماكتۋم – دۋبايدىڭ حانشايىمى، ەڭ باي شەيح مۇحاممەد ءال ماكتۋمنىڭ ايەلى. ونىڭ كەلبەتى اراب قىزدارىنىڭ ناعىز سۇلۋلىعىن كورسەتەدى. ماحرا – الەۋمەتتىك جەلىلەردىڭ بەلسەندى پايدالانۋشىسى. ونىڭ Faceboوk پاراقشاسىنان كوپتەگەن فوتوسۋرەتتەر مەن اراب سۇلۋىنىڭ ومىرىندەگى سوڭعى جاڭالىقتاردى بىلە الاسىز.
- ماحيرا حان (پاكىستان)
ماحيرا حان – پاكىستاننان شىققان جۇلدىز. ونىڭ فيلمدەرى وتە تانىمال جانە ۇلكەن ەكرانداردا ءجيى كورىنەدى. ءوز ەلىندەگى ەڭ جوعارى اقى تولەنەتىن اكتريسا بولدى. ءسىز ونىڭ تالانتىنا "Soul mate" فيلمىندەگى ويىنىنا قاراپ تاڭ قالاسىز. ماحيرانىڭ ەموسيونالدىق رولدەرىنە وتە جوعارى باعا بەرىلەدى.
- فaxpيە ەۆدجەن (تۇركيا)
فاحريە – تالعامپاز، وتە ادەمى ايەل جانە تۇرىك كينوسىنىڭ ەڭ تالانتتى اكتريسالارىنىڭ ءبىرى. ول «قۇلدىق ءۇشىن اقى» سەريالىنداعى ءرولىنىڭ ارقاسىندا بەدەلگە يە بولدى جانە «VOGUE» جۋرنالى مۇقاباسىنىڭ اجارىن اشىپ، الەمنىڭ جەتەكشى ديزاينەرلەرىنىڭ شوۋلارىندا ۇلگى كورسەتتى. ءبىراق فaxpيە ەۆدجەن سۇلۋ عانا ەمەس، ءۇش شەت ءتىلىن (نەمىس، يسپان جانە اعىلشىن) مەڭگەرگەن، سونداي-اق ستامبۋلدا بىرنەشە بالالار ءۇيىن اشىپ، قايىرىمدىلىققا كوپ ۋاقىتىن بولەتىن مەيىرىمدى مۇسىلمان قىز.
- شەيح مانال (ءباا)
شەيح مانال – ءوزىنىڭ كەرەمەت كورىكتىلىگىمەن جانە بەلسەندى ساياسي قىزمەتى ءۇشىن بىرىككەن اراب امىرلىكتەرىنە وتە تانىمال مۇسىلمان ايەل. ديزاين مەن ماركەتينگ سالاسىندا ەكى جوعارى دارەجەلى ءبىلىمى بار شەيح مانال مۇسىلمان قوعامىندا ايەلدەردىڭ جاعدايىن نىعايتۋدا ماڭىزدى ءرول اتقارادى. ول بارلىق الەۋمەتتىك، مادەني جانە ەكونوميكالىق سالالاردا بەلسەندىلىك تانىتىپ، مۇسىلمان ايەلدەرىنىڭ قۇقىن قورعايدى. سونىمەن قاتار، شەيح مانال – سۋرەتشى. ونىڭ كوپتەگەن جەكە كورمەلەرى بار جانە جاس اراب سۋرەتشىلەرىنە ارنايى گرانتتار بولۋمەن اينالىسادى. شەيح مانال – ءباا-نىڭ نەگىزىن قالاۋشىسىنىڭ جارى جانە ەكى كىشكەنتاي بالانىڭ اناسى.
پىكىر قالدىرۋ