13 مامىردا جوعالعان 18 جاسار ايگۇل امانگەلدىنى ىزدەستىرۋ بارىسىندا ءولى كۇيىندە تابىلعانى تۋرالى اقپارات rozysk_kz Instagram-پاراقشاسىندا جاريالانعان بولاتىن. قىزدىڭ دەنەسى 19 مامىر كۇنى تالعار اۋدانى بەلبۇلاق اۋىلىنىڭ تاۋلى ايماعىندا تابىلعان دەپ حابارلايدى Qamshy.kz اقپارات اگەنتتىگى الماتى وبلىستىق پوليسيا دەپارتامەنتىنە سىلتەمە جاساپ.
ءولىمنىڭ نەدەن بولعانى سوت-مەديسينالىق ساراپتامادان كەيىن انىقتالادى، دەپ مالىمدەدى الماتى وبلىستىق پوليسيا دەپارتامەنتىنىڭ باسپا ءسوز قىزمەتى. الدىن الا بولجام بويىنشا ستۋدەنت سۋيسيد جاساعان بولۋى مۇمكىن.
ەستەرىڭىزگە سالا كەتسەك، ايگۇل امانگەلدى 13 مامىر كۇنى الماتىعا وقۋىنا كەتكەننەن ورالماعان، سودان كەيىن ونى ەشكىم كورمەگەن.
"قىزدىڭ ءمايىتىن تۋىستارى راستادى، دەنەسىندە ەشبىر زورلىق-زومبىلىق بەلگىلەرى انىقتالعان جوق"، - دەپ كورسەتىلگەن ۆەدومستۆادا. دەرەك بويىنشا ق ر قك 105-بابى بويىنشا ءىس قوزعالىپ، تەرگەۋ باستالدى.
وقي وتىرىڭىز:
♦ الماتى وبلىسىندا جوعالعان قىز ءولى كۇيىندە تابىلدى
ۇسىنعان: مارجان سابەت
پىكىر قالدىرۋ