بۇۇ وكىلى كومانداسىمەن بىرگە قازاقستانداعى ينتەرنەت بۇعاتتالعانىنا كۋا بولعانىن ايتتى. بۇل تۋرالى ول 17 مامىردا نۇر-سۇلتاندا وتكەن باسپا ءسوز ءماسليحاتىندا مالىمدەدى.

"سايتتار مەن ستريم-سەرۆيستەر بۇعاتتالدى. بۇل قادامداردى قاۋىپسىزدىك شاراسى دەپ اقتاپ شىعۋى مۇمكىن. بەيبىت جيىن وتكىزۋ، ويىن اشىق ايتۋ حالىقارالىق قۇقىقتارمەن قورعالادى. "بۇل قاۋىپسىزدىك شاراسى" دەپ ادامداردىڭ بەيبىت جينالۋىنا، ويىن اشىق ايتۋعا شەكتەۋ قويعانى ءبىزدى الاڭداتادى"، - دەيدى فيوننۋلا ني اولەين.

9 مامىردا قازاقستاندا بىرنەشە سايت، الەۋمەتتىك جەلىلەر اشىلماي قالدى. قازاقستاندىق قولدانۋشىلار ەكى جىلداي ۋاقىتتان بەرى Facebook، Youtube، Telegram سياقتى الەۋمەتتىك جەلىلەرگە كىرۋ قيىنداعانىن ايتىپ، شاعىمدانىپ كەلەدى. داۋرەن ابايەۆ قازاقستان اقپارات جانە قوعامدىق دامۋ ءمينيسترى "بۇعاتتاۋعا قاتىسى جوعىن" ايتتى.

ال قازاقستان ءماجىلىسىنىڭ وتىرىسىنان سوڭ سيفرلىق دامۋ، قورعانىس جانە اەروعارىش ونەركاسىبى ءمينيسترى اسقار جۇماعالييەۆ جۋرناليستەرگە ينتەرنەتتىڭ ساپاسىنا قاتىستى ءالى سۇراق تۇسپەگەنىن، تەكسەرەتىنىن ايتقان.

ال الەمدەگى ينتەرنەت ەركىندىگىن باقىلايتىن حالىقارالىق NetBlocks توبىنىڭ اتقارۋشى ديرەكتورى الپ توكەر "9 مامىرداعى بۇعاتتاۋ جوعارى دەڭگەيدە ۇيىمداستىرىلعان" دەپ سانايدى.

ۇسىنعان: اسەل بولات قىزى