ءبىزدىڭ مينيسترلەر مەن اكىم-قارالاردى، جوعارعى جانە تومەنگى ساناتتاعى شەنەۋنىكتەردى قاراپايىم بازارلاردان، ساۋدا ورتالىقتارىنان نەمەسە قوعامدىق كولىكتەردەن كەزدەستىرىپ كوردىڭىز بە؟كەزدەستىرە قالساڭىز نە ايتار ەدىڭىز؟ كوكەيىڭىزگە مازا بەرمەي جۇرگەن ماسەلەلەردى توتەسىنەن قويار ما ەدىڭىز؟ الدە «گولف» ويناۋعا شاقىراسىز با؟
كەيدە وسى ءبىزدىڭ شەنەۋنىك كوكەلەرىمىز وزگە ءبىر عالامشاردان كەلگەن ادام سەكىلدى اسەر قالدىراتىنى جاسىرىن ەمەس. ايتپەگەندە، حالىقتىڭ قالاۋلىسى عوي. حالىقتىڭ ءسوزىن سويلەۋگە مىندەتتى ەمەس پە؟
سۋدان وتكەنشە قازاقتى «قايىق» ەتىپ، جايلى ورىنعا جايعاسقان سوڭ، جاعداي سۇراۋعا جارىماي قالاتىندار بار عوي. ءيا، بۇندايدا قازاق «قازانى بولەكتىڭ – قايعىسى باسقا» دەمەۋشى مە ەدى؟!
ايتپەسە بۇل اكىم ايتار سوزبە ەدى؟ سونىمەن شەنەۋنىكتەردىڭ شەتتەن شىققان سوزدەرىنە قۇلاق تۇرەلىك.
ەسىموۆ ءبىرىنشى جىل اكىم بولىپ وتىرعان جوق. الماتىنى باقانداي 7 جىل باسقارىپ كەلەدى. الماتىلىقتاردىڭ جاعدايىن بەس ساۋساقتاي بىلەتىن بىردەن-بىر ادام وسى – ەسىموۆ ەمەس پە؟
احمەتجان ەسىموۆتىڭ «حيت» سوزدەرى:
- «الماتىلىقتاردىڭ سپورتقا جانى قۇشتار. ولار ءار سەنبى تىكۇشاقپەن تاۋعى ۇشىپ بارىپ، شاڭعىمەن سىرعانايدى. سوسىن گولف ويناۋعا بارادى!»
- «الماتىنىڭ قارىن كۇرەمەي-اق، قويۋ كەرەك. ءوزى ەرىپ كەتەدى».
- «15 جەلتوقساندا قالادا بولعىم كەلمەيدى. سوندىقتان سىرتقا شىعىپ كەتەم. ءبىراق كەلەسى جولى، سول تۋعان كۇنىمدە قالادا بولماسام دا، 16-شى جەلتوقساندا مىندەتتى تۇردە قالادا بولام»
- «مەن ءالى ايەلىمنىڭ ۇيىندە تۇرامىن. مەندە دە ءۇي جوق».
اينالايىن، احمەتجان-اۋ، تىكۇشاقپەن تاۋعا شىعىپ، شاڭعىمەن تومەن سىرعاناپ، ارتىنان گولف ويناپ جۇرگەن قاي الماتىلىقتى كوردىڭىز؟ ءبىز جەردەمىز. قوعامدىق كولىكپەن جۇرەمىز. سىزدەر سەكىلدى، ۆەلوسيپەدپەن قىدىرىپ، قىمبات گولف كوردتتارىندا وينامايمىز. ءبىز ورتەنگەن بازاردا ولمەستىڭ كۇنىن كەشىپ جۇرگەن قارا حالىقتىڭ وكىلىمىز...
كورپوراسيا باسشىسى. ازىق-تۇلىككە جاۋاپتى شەنەۋنىك رۋسلان ازيموۆتى ۇمىتپاعان بولارسىز؟
- «نان باعاسىنىڭ قىمباتتاۋىنا بولا قارا اسپاندى ءتوندىرۋدىڭ ەش قاجەتى جوق. بۇل بار بولعانى ءبىر شيشا سالقىن سىرانىڭ باعاسى عوي».
ءبىلىم جانە عىلىم ءمينيسترى اسلان ءسارىنجىپوۆتى بىلمەيتىن ادام جوق شىعار،ءا؟. اسەكەڭ كۇلكىلى مالىمدەمە جاساۋدىڭ شەبەرى عوي. ەستەرىڭىزدە بولسا، ول رەسەيدەگى ءبىر جيىندا ايدى اسپاننان ءبىر-اق شىعارعان.
- «قازاقستان مەكتەپتەرىندە ءالى جوق ماماندىقتارعا دايارلاپ جاتىر»
«قازعارىشتىڭ» اگەنتتىگىنىڭ باسشىسى تالعات مۇسابايەۆ وزىنەن سۇحبات الماقشى بولعان جۋرناليستپەن توبەلەسپەكشى بولدى.
- «نە تۇرسىڭ؟ يدي نا ح.. وتسيۋدا! جىندىما مىناۋ؟ مەنىڭ باسىما شىق وندا. سەن كىمسىڭ ماعان قايدا تۇرۋ كەرەكتىگىن كورسەتەتىن؟»
- «بىزرەسەيدىڭ باقوڭىردا ماڭگى قالعانىن قالايمىز!»
تجم بۇرىنعى باسشىسى، قازىرگى ءىىم ورىنباسارى ۆ.بوجكو مىرزا تيىن ساناپ قالىپتى.
- «ءبىز كورپوراتيۆ قۇرۋعا 12 مىڭ تەڭگەدەن جينادىق. مەن 15 مىڭ تەڭگە بەردىم. ازىرگە قالعان اقشامدى (سداچا)قايتارعان جوق»
- «سۋ تاسقىنىنىڭ نەگىزگى سەبەبى – جاھاندىق جىلىنۋ. بۇعان ەكولوگيا كىنالى!»
جۇرتتى كۇلدىرىپ جۇرەتىن شەنەۋنىكتەردىڭ قاتارىندا ەرمۇحامەد ەرتىسبايەۆ تا بار.
- «قازاقستاندىقتارىدڭ 80 پايىزى ەۋرازيالىق ينتەگراسيانى، سونىڭ ىشىندە رەسەي فەدەراسياسىمەن جاسالىپ جاتقان ينتەگراسيانى قولدايدى»
- «پرەزيدەنت كومانداسىندامىن. 18 جىل بولدى»
تيمۋر قۇلىبايەۆ تىڭنان تۇرەن سالعانداي مالىمدەمەجاساۋدىڭ شەبەرى-اق. ءبىراق كوپ جاعدايدا جۇرتتىڭكۇلكىسىنە قالىپ جۇرەدى.
- « جاڭاوزەندەگى ەرەۋىلگە شىققان مۇنايشىلار نەگىزىنەن ورالماندار!» (الايدا، رەسمي قۇجاتتاردا بىردە-بىر ورالمان ەرەۋىلگە قاتىسپاعان دەپ كورسەتىلگەن.)
ءماجىلىس دەپۋتاتى ساميعوللا ورازوۆ تا قولاپايسىز مالىمدەمە جاساۋعا قۇمارلار قاتىرىنان تابىلىپ ءجۇر.
- «ولارلامندارعا قاتىستى ايتارىم، سانى بار-ساپاسى جوق بولىپ تۇر ءقازىر»
ايتپاقشى، ولاردى ىزدەپ اۋرە بولماڭىز. ءسىز ءبارى-بىر ولاردى بازارلاردان، قوعامدىق كولىكتەردەن كەزىكتىرە المايسىز. ولار وزگەشە. ويتكەنى ولاردىڭ ىشىندە قازاقستاننىڭ تاۋەلسىز ەكەنىن، الەمدەگى بار قازاقتىڭ جالعىز وتانى – قازاقەلى ەكەنىن بىلمەيتىندەرى بار…
نۇرگەلدى ءابدىعاني ۇلى
