ءۇندىستاننىڭ چەنناي قالاسىنداعى اۋرۋحاناعا ەرەكشە ناۋقاس كەلگەن. 52 جاستاعى ادامنىڭ دەنەسىندە 40-قا جۋىق مەتالل زات بولعان دەپ جازادى Qamshy.kz اقپارات اگەنتتىگى dailymail.co.uk سايتىنا سىلتەمە جاساپ.

ماسەلە ميدىڭ مرت پروسەدۋراسى كەزىندە بايقالعان. ءبىراز ۋاقىتتان كەيىن جىگىتتىڭ ءىشى قاتتى اۋىرا باستاعان. دارىگەرلەر ءىش توموگرافياسىن جاساعاننان  كەيىن ادام دەنەسىندە مەتالل بۇيىمدارى بار ەكەنىن انىقتادى.

حيرۋرگتار ەر ادامنان 38 مەتالدى زاتتاردى الىپ تاستادى. بارلىق زاتتاردى الۋ ءۇشىن، حيرۋرگتار ءارقايسىسى 45 مينۋتقا سوزىلعان بىرنەشە وپەراسيا جاسادى. جىگىتتىڭ ىشىنەن مونەتالار، كىلتتەر، SIM-كارتالار، ماگنيت جانە ت.ب. زاتتار الىندى. ەڭ كىشكەنتاي وبەكتىنىڭ ۇزىندىعى ەكى سانتيمەتر بولعان.

دارىگەرلەر جىگىتتىڭ اۋرۋحاناعا ءدال ۋاقىتىندا كەلگەنىن اتاپ ءوتتى. ولاي بولماعان جاعدايدا ىشەكتەن قان كەتىپ، ولەتىن ەدى. ءقازىر ءۇندىستاندىق جىگىتتىڭ دەنساۋلىعىنا ءقاۋىپ جوق. الايدا ناۋقاس مەتالل زاتتاردىڭ ورگانيزمىنە قالاي كىرگەنىن جاسىرىپ وتىر.