جامبىل وبلىسىندا جاستار جىلىنا وراي كوپتەگەن شارالار قولعا الىنىپ، جاستاردى قولداۋ جۇمىستارى جۇيەلى تۇردە جۇزەگە اسىپ كەلەدى. ماسەلەن، «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا جاڭا بيزنەس-يدەيالاردى دامىتۋعا رەسپۋبليكالىق بيۋدجەتتەن 200 ايلىق ەسەپتىك كورسەتكىش مولشەرىندە 329 جاسقا قايتارىمسىز گرانت رەتىندە 166،1 ميلليون تەڭگە قارجى ءبولىندى. ءارقايسىسىنا 505 مىڭ تەڭگەدەن كەلەدى.
ودان بولەك، «بيزنەستىڭ جول كارتاسى-2020» مەملەكەتتىك باعدارلاماسى شەڭبەرىندە جاڭا بيزنەس-يدەيالاردى ىسكە اسىرۋ ءۇشىن 3 ميلليون تەڭگەگە دەيىنگى مەملەكەتتىك گرانت بەرۋگە وبلىستىق بيۋدجەتتەن 303 ميلليون تەڭگە، رەسپۋبليكالىق بيۋدجەتتەن 21 ميلليون تەڭگە، جالپى 324 ميلليون تەڭگە قارجى ءبولىندى.
جامبىل وبلىسى اكىمدىگىنىڭ جاستار ساياساتى ماسەلەلەرى باسقارماسىنىڭ باستاماسىمەن تاراز قالاسى مەن اۋدانداردا ارنايى كوميسسيالار قۇرىلىپ، كاسىپكەرلىكپەن اينالىسۋعا نيەت بىلدىرگەن جاستاردىڭ بازاسى جاساقتالىپ، ول جەرگە 300-گە جۋىق جاس ەنگەن.
جاستاردىڭ كاسىپكەرلىكپەن اينالىسۋىنا قولداۋ ءبىلدىرىپ، كومەكتەسۋ شارالارى مۇنىمەن شەكتەلگەن جوق. ماسەلەن، بيىلعى جىلى جاستاردى كاسىپكەرلىككە وقىتۋ باعىتىندا دا ءبىرشاما جۇمىستار قولعا الىنۋدا. اتاپ ايتساق، 600-دەن استام جاستى كاسىپكەرلىك نەگىزدەرىنە وقىتۋ جوسپارلانىپ وتىر. سونداي-اق، 200-گە جۋىق جاستى شاعىن نەسيەمەن قامتۋ ماسەلەسى دە نازاردا تۇر. وسىلايشا، جاستاردىڭ بويىنداعى كاسىپكەرلىكپەن اينالىسۋعا دەگەن ىنتا مەن وسى سالا بويىنشا ءبىلىمىن شىڭداۋعا ءجىتى ءمان بەرىلۋدە. بۇل باعىتتاعى جۇمىستار الداعى ۋاقىتتا جۇيەلى تۇردە جۇرگىزىلەتىن بولادى.
جامبىل وبلىسىندا كاسىپكەرلىككە بەيىمى بار وسال توپتاعى جاستارعا باعىتتالعان «Zhas Projeسt» جوباسى اياسىندا جالپى 206 جوبا ىسكە اسىرىلعانىن ەرەكشە اتاپ وتكەن ءجون. سونىڭ ناتيجەسىندە وبلىسقا 400 ميلليون تەڭگە كولەمىندە ينۆەستيسيا تارتىلدى. ال جەڭىمپاز اتانعان جوبالاردىڭ 77ء-سى وبلىس ورتالىعىنان بولسا، 129-ى اۋداندار مەن اۋىلدىق ەلدى مەكەندەردەن شىقتى.
جاستارعا ءارتۇرلى سالا بويىنشا اقپاراتتىق كومەك كورسەتۋدىڭ دە ماڭىزدىلىعى زور. وسى ماقساتتا وتكەن جىلى باسقارما تاراپىنان اقپاراتتىق اۆتوكەرۋەن ۇيىمداستىرىلىپ، بارلىق اۋدان ورتالىقتارى مەن ەلدى-مەكەندەرىندە بولعان كەرۋەن 7 مىڭعا جۋىق جاستى قامتىعان.
دۋلات ايتباي
