ەلباسىنىڭ جارلىعىمەن جاريالانعان بيىلعى «جاستار جىلى» قازاقستاننىڭ بارلىق وڭىرلەرىندە قىزۋ قولداۋ تاۋىپ، يگى باستامالارعا ۇلاسىپ جاتقانى بەلگىلى.

  قازاقستان رەسپۋبليكاسى ۇكىمەتىنىڭ قاۋلىسىمەن «جاستار جىلىنا» وراي ارنايى جول كارتاسى بەكىتىلگەن. سونىڭ نەگىزىندە بارلىق ۋاكىلەتتى ورگاندارمەن تالقىلانا وتىرىپ، 2019-2020 جىلدارعا ارنالعان وڭىرلىك جول كارتاسى قابىلداندى.

  جول كارتاسىندا جاستاردى ەڭبەكپەن، ساپالى بىلىممەن قامتۋ، جاس كاسىپكەرلەردى قولداۋ، بىلىكتى ماماندار دايارلاۋ، جاستاردىڭ بوس ۋاقىتىن ءتيىمدى ۇيلەستىرۋ، ۆولونتەرلىقتى دامىتۋ جانە باسقا دا ماڭىزدى شارالار قاراستىرىلعان.

  جامبىل وبلىسى اكىمدىگىنىڭ جاستار ساياساتى ماسەلەلەرى باسقارماسى ۇسىنعان مالىمەتكە سۇيەنسەك، وبلىستا ءتيىستى مۇددەلى ورگاندار ارقىلى جاستار ساياساتىن جۇزەگە اسىرۋعا 2018 جىلى 574،6 ميلليون تەڭگە بولىنسە، اعىمداعى جىلى 892 ميلليون تەڭگە قارالدى. ونىڭ ىشىندە وبلىس اكىمدىگىنىڭ جاستار ساياساتى ماسەلەلەرى باسقارماسىنا – 174،7 ميلليون تەڭگە، اۋداندار مەن تاراز قالاسىنا − 476،9، قازاقستان حالقى اسسامبلەياسىنا − 26،6، مادەنيەت، ارحيۆتەر جانە قۇجاتتاما باسقارماسىنا − 204،9، دەنە شىنىقتىرۋ جانە سپورت باسقارماسىنا − 1،0، ءبىلىم باسقارماسىنا − 2،7، تۋريزم باسقارماسىنا − 5،2 ميلليون تەڭگە قاراستىرىلعان.

  مەملەكەتتىك الەۋمەتتىك تاپسىرىس شەڭبەرىندە 60 ميلليون تەڭگەگە 31 باعىتتا الەۋمەتتىك ماڭىزى بار جوبالار قارجىلاندىرىلدى. وتكەن جىلى 26 باعىتتا قولعا الىنعان جوبالارعا 64،7 ميلليون تەڭگە قارالعان بولاتىن.

«جوسپارلانعان شارالار بارلىق اۋدانداردى تولىق قامتۋعا باعدارلانعان ءارى جەرگىلىكتى اكىمدىكتەردىڭ جوسپارلارى سوعان سايكەستەندىرىلگەن. ال بۇل باعىتتا ىسكە اسقان ءىس-شارالار ۋاقىتىلى، ياعني بەلگىلەنگەن مەرزىمدەرىنە سايكەس جۇزەگە اسىرىلۋدا»، − دەيدى وبلىس اكىمدىگىنىڭ جاستار ساياساتى ماسەلەلەرى باسقارماسىنىڭ باسشىسى ءمادي ماتەن.

جاستار ساياساتىنا قاتىستى جىل بويى باسقا دا ۋاكىلەتتى ورگاندار تاراپىنان وتەتىن شارالار جەلىسى ازىرلەنگەن. وعان 300-گە جۋىق شارا ەنىپ وتىر. جالپى، جاستار اراسىنداعى قوعامدىق-ساياسي احۋال تۇراقتى. ءوڭىر جاستارىنىڭ مەملەكەتتىك جاستار ساياساتىنا قاناعاتتانۋ دەڭگەيى وتكەن جىلى 77،8 پايىزدى كورسەتتى.

دۋلات ايتباي