جامبىل وبلىسىنىڭ اكىمى اسقار مىرزاحمەتوۆتىڭ تاپسىرماسى بويىنشا وبلىس اۋماعىنداعى سۋارمالى جەرلەردى ۇلعايتۋدىڭ مۇمكىندىكتەرى جان-جاقتى قاراستىرىلۋدا. جامبىل وبلىسىنىڭ سۋارمالى جەر كولەمى 1991 جىلى 209،1 مىڭ گەكتاردى قۇراسا، 2018 جىلى سۋارمالى جەردىڭ كولەمى 182،4 مىڭ گەكتاردى قۇرادى. وسى القاپتىڭ 93،6 مىڭ گەكتارى ناقتى سۋارىلعان بولسا،  88،8 مىڭ گەكتار سۋارمالى جەرلەرىنە سۋ جەتىسپەيتىنى انىقتالدى. سول سەبەپتەن، ۇزىندىعى 3755 شاقىرىمدى قۇرايتىن 485 سۋ شارۋاشىلىعى جۇيەلەرى، 1903 گيدروتەحنيكالىق قۇرىلىمدار رەسپۋبليكالىق بيۋدجەتتەن، ەۋروپالىق جانە ازيالىق دامۋ بانكتەرىنىڭ نەسيەلەرى ارقىلى «قازاقستاننىڭ اگروونەركاسىپ كەشەنىن 2017-2021 جىلدارى دامىتۋ باعدارلاماسى» اياسىندا بولىنەتىن 42،1 ميلليارد تەڭگەگە قايتا قالپىنا كەلتىرۋ جۇمىستارى جۇرگىزىلەدى. «قازاقستاننىڭ اگروونەركاسىپ كەشەنىن 2017-2021 جىلدارى دامىتۋ باعدارلاماسىن» جۇزەگە اسىرۋ ماقساتىندا وبلىستىڭ كوممۋنالدىق مەنشىگىندەگى 283 سۋ شارۋاشىلىعى جۇيەلەرى (كانالدار) 2015-2018 جىلدارى رەسپۋبليكالىق مەنشىككە وتكىزىلدى. ال، 2019 جىلى وبلىستىڭ اۋداندارىندا قالعان 202 كوممۋنالدىق مەنشىكتە ىشكى شارۋاشىلىق سۋ جۇيەلەرىن رەسپۋبليكالىق مەنشىككە وتكىزۋدى اياقتايدى.

  سونىمەن قاتار، اتالعان مەملەكەتتىك باعدارلاما اياسىندا كولەمى 49،0  ميلليون تەكشەمەتردى قۇرايتىن 3 سۋ قويمالار سالۋ جوسپارلانۋدا. ولار قورداي اۋدانىنداعى ىرعايتى وزەنىندە «ىرعايتى» سۋ قويماسى                (19،0 ملن.م3،) جانە قالعۇتتى وزەنىندە «قالعۇتتى» سۋ قويماسىن (15،0 ملن.م3)، بايزاق اۋدانىنداعى تالاس وزەنىندە «اقمولا» سۋ قويماسىن (15،0 ملن.م3) سالۋ بولىپ تابىلادى. جالپى قۇنى 6 ميلليارد تەڭگەنى قۇرايتىن 3 جاڭا سۋ قويمالارى سالىنسا، پايدالانۋداعى 34،5 مىڭ گەكتار سۋارمالى جەردى سۋمەن قامتاماسىز ەتۋ دەڭگەيى ارتادى. سونىمەن قاتار، باعدارلاما اياسىندا 2،7 ميلليارد تەڭگەنى قۇرايتىن 3 سۋ قويمالارىنا قايتا جاڭعىرتۋ جۇمىستارى اياقتالسا، 29،8 مىڭ گەكتار سۋارمالى جەردى سۋمەن قامتاماسىز ەتۋگە بولادى. ولار «قاراقوڭىز» سۋ قويماسىنىڭ (جيناۋ كولەمى 8،5 ملن.م3 دەن 18،5 ملن.م3 دەيىن) سۋارمالى جەرلەرى 6،0 مىڭ گەكتار، «تاسوتكەل» سۋ قويماسىنىڭ (450 ملن.م3 دەن 620 ملن.م3 دەيىن) سۋ قويماسىنىڭ سۋارمالى جەرلەرى 20،0 مىڭ گەكتار، «ىنتالى» سۋ قويماسىنىڭ جوندەۋ جۇمىستارى اياقتالسا 3،8 مىڭ گەكتار جەر  تولىعىمەن سۋعارىلادى. ءسويتىپ، بارلىعى 64،3 مىڭ گەكتار سۋارمالى جەر سۋمەن قامتاماسىز ەتىلەتىن بولادى.

  ودان بولەك، «تالاس-اسا» كمك مەحانيكالىق وتريادى ارقىلى وبلىستىڭ كوممۋنالدىق مەنشىگىندەگى 13 مىڭ گەكتار سۋارمالى القاپتاعى سۋ شارۋاشىلىعى جۇيەلەرى جانە سىيىمدىلىعى 1 ميلليون تەكشەمەتردەن اساتىن وبلىستىعى 21 سۋ قويمالارىنان شىعاتىن سۋ جۇيەلەرى 5 مىڭ گەكتار سۋارمالى جەرلەر قالپىنا كەلتىرىلىپ، اينالىمعا قوسىلادى. وبلىستىڭ بيۋدجەتىنەن قاراستىرىلعان قارجىعا جاڭادان سالىناتىن جانە قالپىنا كەلتىرىلەتىن، بارلىعىنىڭ سىيىمدىلىعى 17،9 ميلليون تەكشە مەتردى قۇرايتىن 20 كىشى سۋ قويمالارى پايدالانۋعا بەرىلىپ، 4 مىڭ گەكتار سۋارمالى ەگىستىك جەر اينالىمعا قوسىلادى. بۇرىنعى كەڭەس وداعى ىدىراعان كەزدە جايىلىمعا اۋىسىپ كەتكەن 17،1 مىڭ گا سۋارمالى جەرلەر الداعى 3-4 جىلدا اينالىمعا قوسىلادى. ودان باسقا، قوسىمشا سۋارمالى القاپقا بوسالقى جەرلەردەن 4،7 مىڭ گەكتار سۋارمالى القاپ قوسىلىپ، ناتيجەسىندە جوسپار بويىنشا 2019-2021 جىلدار ارالىعىندا بارلىعى 25،8 مىڭ گەكتار سۋارمالى القاپتار اينالىمعا قوسىلادى. ءسويتىپ، وبلىس بويىنشا سۋارمالى جەرلەر 210،6 مىڭ گەكتارعا جەتكىزىلەتىن بولادى. «تالاس-اسا» كمك كاسىپورنىنا 2019 جىلى جالپى سوماسى 234،1 ميلليون تەڭگەگە ۇزىندىعى 63،2 شاقىرىم 14 كانالداردى تازالاۋ، جوندەۋ جانە وزەندەردىڭ جاعالاۋلارىن نىعايتۋ جۇمىستارىن جۇرگىزۋگە 6 اۋداننان تاپسىرىستار تۇسكەن. وسى جۇمىستار اتقارىلعان جاعدايدا كولەمى 8631 گەكتاردى قۇرايتىن سۋارمالى القاپ قالپىنا كەلتىرىلەتىن بولادى.

دۋلات ايتباي