ەلباسى نۇرسۇلتان نازاربايەۆ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا «ءتيىمسىز سۋبسيديالاردى اۋىل شارۋاشىلىعى كەشەنى سۋبەكتىلەرىنە ارنالعان بانك نەسيەلەرىن ارزانداتۋعا قايتا باعىتتاۋ قاجەت» دەپ ناقتى تاپسىرما بەرگەن بولاتىن. وسى ورايدا، «ينۆەستيسيالىق سالىمدار كەزىندە اگروونەركاسىپتىك كەشەن سۋبەكتىسى شەككەن شىعىستاردىڭ ءبىر بولىگىن وتەۋ بويىنشا سۋبسيديالاۋ» بيۋدجەتتىك باعدارلاماسى اياسىندا قازاقستان رەسپۋبليكاسى اۋىل شارۋاشىلىعى مينيسترلىگى تاراپىنان رەسپۋبليكالىق بيۋدجەتتەن 2018 جىلعا 1،6 ميلليارد قارجى ءبولىنىپ، 2017 جىلى قارجى جەتىسپەۋىنە بايلانىستى تولەنبەي قالعان 73 اگروونەركاسىپتىك كەشەن سۋبەكتىلەرىنە 2018 جىلعا بولىنگەن رەسپۋبليكالىق بيۋدجەت ەسەبىنەن 317 ميلليون تەڭگە سۋبسيديا رەتىندە بەرىلدى. سونىمەن قاتار، 2018 جىلى جالپى 4،8 ميلليارد تەڭگەگە ءوتىنىم ءتۇستى جانە رەسپۋبليكالىق بيۋدجەتتەن بولىنگەن 1،6 ميلليارد قارجى تولىعىمەن يگەرىلىپ، سۋبسيديالاۋعا وتكىزىلگەن وتىنىمدەردىڭ كوپ بولۋىنا بايلانىستى قوسىمشا رەسپۋبليكالىق بيۋدجەتتەن 2 274،8 ميلليون تەڭگە قارجى ءبولىندى. بۇگىنگى كۇنگە اتالعان قارجى تولىعىمەن يگەرىلىپ، اۋىل شارۋاشىلىعى تاۋار وندىرۋشىلەرىنە سۋبسيديا رەتىندە بەرىلدى.

  ەلباسى تاپسىرماسىن ورىنداۋ ماقساتىندا قازاقستان رەسپۋبليكاسى اۋىل شارۋاشىلىعى مينيسترىلىگى مەن جامبىل وبلىسى اكىمدىگى تاراپىنان ءتيىستى جۇمىستار اتقارىلىپ، جوعارىدا اتالعان جوبالارعا 2019 جىلى سۋبسيديا تولەۋ ماقساتىندا جانە جىل سايىن سۋبسيديالاۋعا تۇسەتىن وتىنىمدەردىڭ كوبەيۋىنە بايلانىستى 2019 جىلعا رەسپۋبليكالىق بيۋدجەتتەن 3،8 ميلليارد تەڭگە كولەمىندە قارجى قاراستىرىلدى. بۇل 2018 جىلدىڭ باسىندا بولىنگەن قارجىدان 2،5 ەسە ارتىق ءبولىندى.

  سونىمەن قاتار، وبلىس اۋماعىن دامىتۋ باعدارلامالارىندا كوزدەلگەن تەحنيكالاردىڭ باسىم تۇرلەرى مەن جابدىقتاردى سۋبسيديالاۋ ءۇشىن جەرگىلىكتى بيۋدجەتتەن اعىمداعى جىلعا 150 ميلليون تەڭگە قارجى ءبولىندى. 2018 جىلى 698 شارۋا قوجالىقتارعا كرەديتتەر جانە تەحنولوگيالىق جابدىقتىڭ،اۋىل شارۋاشىلىعى مالىن ساتىپ الۋدىڭ ليزينگى، سونداي-اق اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋعا  633 ميلليون تەڭگە بەرىلدى. 2018 جىلى جالپى 259 تەحنيكا مەن اگرەگاتتار ليزينگكە الىندى. ونىڭ ىشىندە قازاگروقارجى اق جامبىل وبلىسى بويىنشا فيليالى ارقىلى 252، اۋدانداعى نەسيە سەرىكتەستىكتەرى ارقىلى 7.

  ال، 2019 جىلى «كرەديتتەر جانە تەحنولوگيالىق جابدىقتىڭ، اۋىل شارۋاشىلىعى مالىن ساتىپ الۋدىڭ ليزينگى، سونداي-اق اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ» باعدارلاماسىنا 1،7 ميلليارد تەڭگە قارجى ءبولىندى.

دۋلات ايتباي